Tura, Jan 18: Bristibar salo, Under-18 ba bilsi 18 ning•o ong•gipa me•chik dolrangni semi final robol kal•susaanio, Eastern West Khasi Hills dolko goal 5-1-chi amchepatenba, Ri Bhoi me•chik dol, final-ona doangaha.
Ia kal•susaaniko Tura-ni PA Sangma Stadium-o kal•ataha aro kal•a a•bachengaonin Ri Bhoi dolni me•chikrang, Eastern West Khasi Hills dolko sikchepe kal•na man•aha aro uandaken kal•ani skanggipa bakon Ri Bhoi dol goal 2-ko chipna man•aha. Indake ong•genchimoba skanggipa bako, Eastern West Khasi Hills-ni me•chikrangba krengbee kal•enba goal-sakode chipna man•skaaha aro uandaken skanggipa bako dolgnini goal chipgrikani goal 2-1 ong•aha.
Gnigipa bakko a•bachengatahaon Ri Bhoi dolni me•chikrang nambate kal•angna man•aha aro uandaken ia gnigipa bakode goal 3-ko chipdape kal•a gimiko goal 5-ko chipna man•aha.
Ia kal•susaanio Eastern West Khasi Hills me•chik dolko goal 5-1-chi amchepatenba da•o Ri Bhoi me•chik dol, final-ona doangaha aro uamang da•o final-o, gnigipa semi final-o chegipa dol baksa Sukrobar salo kal•susaangskagnok.
Iakoba poraie nina man·gen: Kakket bichalko am·na Congress doloni ra·gala man·gipa Angkita Dutta jingjengata
Watch
