New Delhi, Jan 18: UIDAI-oni ge•etaniko man•soani ja•man, Aadhar card-rangko Date of Birth ba atchiani tarikna sakki dake jakkaljawaha ine Mongolbar salo Employees’ Provident Fund Organisation (EPFO) parakataha aro ia u•iataniko Central Provident Fund Commissioner (CPFC)-ba ra•chakaha.
UIDAI-ni ge•etanio talataniko on•ani gitade, Aadhar-kode atchiani tarikna sakki dake mesokna Aadhar Act 2016-o niam dongja aro uandaken Aadhar card-rangko, atchiani tarikna sakki dake jakkalaniko EPFO da•o chu•gimik ra•galataha.
Bombay High Court-ko man•chape dingtang dingtang kacharirangba, Aadhar-ko atchiani tarikna sakki dake jakkalna man•jawa ine rai on•atahachim.
Indake ong•engon, atchiani tarikko sakki dake mesokna EPFO-ni seokgimin certificate ba lekkarangara, Registrar of Birth & Death-ni Birth Certificate, recognize ong•gipa sorkari institute ba university-ni marksheet, School Leaving Certificate (SLC), School Transfer Certificate (TC), ba SSC certificate, Service Record-o pangchake on•gipa certificate, PAN card, Central/State Pension Payment Order, Domicile Certificate aro medical certificate-rang ong•skaenga.
Iakoba poraie nina man·gen: Kakket bichalko am·na Congress doloni ra·gala man·gipa Angkita Dutta jingjengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
