Williamnagar, Jan 16: February 20 tarikoni 25 tarikona Jowai-o ong•atenggipa Meghalaya Games-o bak ra•na re•angenggipa East Garo Hills a•jani kal•susagiparangna Bristibar salo, East Garo Hills District Sports Office-ni gita dingtangmancha program-ko ong•atangaha.
Ia changdokgipa Meghalaya Games-o bak ra•na gita East Garo Hills a•jaoni kal•susagiparang, coach-rang aro team manager-rang gimik sak 180, Jowai-ona re•angenga aro ia kal•susagiparangna program-ko ong•atanio, East Garo Hills a•jani Deputy Commissioner Vibhor Aggarwal, mongsonggipa sokgipa ong•e bak ra•angaha.
Ia program-ko ong•atanio EGH-ni DC, jinmana aganprakengon, ia gadangona sokahani gimin East Garo Hills a•jani kal•susagiparangko mittelpilangenba, kal•susaaniode ‘dal•a’ ‘chona’ katta dongja aro bak ra•anisa mongsonggipa ong•aia ine ku•pattianiko on•angaha.
Kal•susaanirango an•tangtangni nambatgipakosa on•china didiangengon, nambatsranggipa ong•na tikkelanichisa chu•sokaniko man•a ama ine Deputy Commissioner aganaha.
Cheaniara medal-rangko man•anikosande miksongani ong•ja indiba kal•a changantian an•tangtangni gisik ka•tong gimikko on•anikosa miksonga ineba Aggarwal aganaha.
Iana skang, East Garo Hills a•jani District Sports Officer Babira G Momin-ba jinmana aganprakengon, ia kal•susaani gimikon an•tangtangni mikkim rasong baksa kal•susachina aro namgipa gunko rakkichina kal•susagiparangna agan-ku•pattianiko on•angaha.
Medal-rangko cheaniara nambegipa chu•sokani ong•a indiba chong•mot cheanide dolsan ong•ani, namgipa bewalko mesokani aro name kal•anikosa miksonga ineba ua aganaha.
Ia program matchotani ja•man, Meghalaya Games-o bak ra•na re•angenggipa mitam kal•susagiparang aro coach-rang, Hub News baksa agangrikengon, East Garo Hills a•jana medal-rangko chebana an•tangtangni ka•dongchakenganiko paraktokaha. Ia Meghalaya Games-o kal•susana re•angengon, uamangni tarisamsoanirangko agananichin uamangni chegipa ong•na miksonge re•angenganiko mesokani ong•aha.
East Garo Hills a•jani Deputy Commissioner Vibhor Aggarwal-ba Hub News baksa agangrikengon, Meghalaya Games-o bak ra•na re•angenggipa chadamberango an•tangni rasong chaaniko parakataha aro ia Meghalaya Games-ara uamangni indita jarangna rakbee kam ka•soanichi chu•sokgipa ong•aniko mesokna chol ong•enga ine aganaha.
Meghalaya Games-o bak ra•na re•angenggipa East Garo Hills a•jani kal•susagiparangna an•tangni namgipa skaniko on•atengon, ia Meghalaya Games-o uamang chu•sokgipa ong•gen ine Deputy Commissioner, an•tangni ka•dongchakenganiko parakataha.
Na·simang ia video-koba nina man·gen:
Na·simang iakoba poraina man·gen: Indo-Bangla simako fencing kana a•a ra•anio neng•nikaniko namatna CM ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
