Shillong, June 26: Sombar salo, Meghalaya Police aro Social Welfare Department nangrime, International Day Against Drug Abuse & Illicit Trafficking-ko Shillong songjinmani U Soso Tham Auditorium-o manidilangaha aro ia manianio Meghalaya a·dokni Chief Minister Conrad K Sangma, mongsonggipa sokgipa ong·e jinmana aganprakangengon, Meghalaya a·dokko drugs ba pekatgipa samrangoni jakgitel ong·gipa a·dok ong·atna gita sorkari rakbee kamrangko ka·enga ine parakangaha.

Attended a program to observe the International Day Against Drug Abuse & Illicit Trafficking organised by @MeghalayaPolice and the Social Welfare Department.

The issue of Drug Abuse & Illicit Trafficking is a growing concern in Meghalaya that can be curbed through concerted… pic.twitter.com/WlNRum7gsm

— Conrad K Sangma (@SangmaConrad) June 26, 2023

Manderangna nanga gita nirok sandianirangko aro dakchakanirangko on·na man·na gitasa sorkarini program-rangko tarienga ine talataniko on·angengon, iani giminsa sorkari, pekatgipa samrangonikosan chel·chakaigija chadamberangni an·seng baljokanina kamko ka·na gita dingtangmancha dolko songaha ine Chief Minister parakataha.

Meghalaya a·doko namgipa, daitotangko ma·sigipa aro an·seng baljokgipa chadamberangko ong·katanian ia International Day against Drug Abuse-ko maniani bak ong·enga ineba ua aganaha.

Drugs ba pekatgipa samrangara nokdangrangkosan nisiaigipa ong·ja indiba songsal aro mikkangchini salrangkoba nisigipa ong·a ine janapatengon, chadamberang pekatgipa samrangkosa jakkale bon·aigenchimode sorkarini ra·gatenggipa pilak program-rang aro policy-rangara indin ong·gramaigen ine Chief Minister parakataha.

Batanggimin adita jarangni gisepon sam badinggiparangko aro crore-ni crore drugs-rangko rim·na man·ahani gimin Police department-ko mittelpilangengon, a·doko drugs jakkalaniko aro badingsrukaniko bon·atsrangna gita mikkangchiba apsan daken kamko ka·angkuchina gita Chief Minister, department-ko didiangaha.

Chief Minister-ni a·bachengatgipa Drug Reduction, Elimination and Action Mission (DREAM)-ni gimin talataniko on·angskaengon, ia DREAM-ko chu·sokatanio bilsiprakon gong crore 10 ong·engani gimin da·o bilsi bongani gisepon gong crore 50-ko koros ka·gen ine Sangma parakataha.

Today, on the occasion of the #InternationalDayAgainstDrugAbuse, we launched the Drug Reduction, Elimination & Action Mission (DREAM), a coordinated strategy to eliminate the issues of substance abuse towards a Drug Free Meghalaya. We are allocating ₹50 Crore for the next 5… pic.twitter.com/djUxk25EfZ

— Conrad K Sangma (@SangmaConrad) June 26, 2023

Iakoba poraie nina man·gen: BSF aro songni manderang Dawki-o nanggrika 

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub