Shillong, Jun 16: June jani 15 tariko, Meghalaya Anti-Nartotics Task Force (ANTF), Assam-oni pekatgipa bosturangko badingsrukgipa ine chanchichipenggipa sak 3 manderangko West Garo Hills a·jani Tikrikilla-o am·sandianiko dakmiting somoio rim·aha. ANTF-ni Superintendent of Police Vikash Kumar-ni aganani gitade, uamang ka·dongna man·gipa koborrangko man·soa ja·man ia am·sandianiko dakangaha. Am·sandianiko dakmiting somoio chel·chakgipa dolrang, plastic-ni sabon chipchakgipa bakso 5-o chipgimin gram 53 ong·gipa heroin-rang baksana bol 2 motorcycle-rang aro bol 3 mobile phone-rangko man·aha.
Ia am·sandianio rim·a man·gipa manderangara, Goalpara a·jaoni Simlabari, Gumajhar-oni bilsi 35 ong·gipa Sahidul Hussain, Goalpara a·jani Lakhipur, Rajmita Pantai-oni bilsi 35 ong·gipa Saddam Hussain aro Goalpara a·jani Lakhipur, Chataimari-ni bilsi 23 ong·gipa Rashidul Hogue ong·a.
Tikrikilla Police Station-o, NDPS Act-ni ning·o uamangni kosako case-ko segataha. Police-rang, ia rim·a man·gipa sak 3 manderangara a·doksa a·dokgipinni gisepo pekatgipa bosturangko badingsrukgipa dal·begipa dolni bak ong·na nanga ine chanchichipenba, iani bidingo am·sandianirangko dakenga. Iani gisepon, ANTF, jinma manderangko ia rim·a man·gipa manderang ba pekatgipa bosturangko badingsrukanio jak donggipa manderangni gimin u·ia ong·ode koborrangko on·china didiatengon, kobor on·gipa mandeni gimin darangnaba parakatjawa aro dakchakani ong·gipa koborrangko on·a ong·ode ua mandena boksis-rangkoba on·gen ine uamangni dol u·iatangkuaha.
Na·simang iakoba nina man·gen:
Na·simang iakoba poraina man·gen: Shillong-o sianggipa Hajong chadambe sakgnina kakket bichalko dabie jinma tom·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
