Shillong, May 12: National Testing Agency (NTA)-ni Common University Entrance Test (CUET-UG) 2025-na centre-rangko sualanio ia changba melitaijani gimin chatro chatrirangni namgnina CUET-ko ra•doatchina, Meghalaya a•dokni Education Minister Rakkam A Sangma didiataha.
Education Minister-ni parakatani gitade, re•anggipa bilsioba apsan daken Meghalaya a•dokni chadamberangko gipin a•dokrangosa CUET sena gita centre-rangko tikataha aro apsan daken ia changoba chatro chatrirangna gipin a•dokrangosa centre-rangko tikatahani a•sel chatro chatrirang neng•nikanirangko chagrongna nangtokenga.
Meghalaya a•doko, mongsongbate Shillong-o CUET-ko sena dorgasto galgipa chatro chatrirangoni mitamko Jorhat, Mizoram, Nagaland, Kolkata aro mitamnade Andaman & Nicobar Island-oba centre-ko tikataha ine Sangma, suk ong•gijaniko parakataha.
Mitam CUET porikkakode May 13 tarikonin a•bachengengahani gimin chatro chatrirang, koros ong•e ia biaprangona re•chakatangtokaha aro mitamde porikkakon sesrangjaengaha ineba ua suk ong•gijaniko parakataha.
Indake ong•engon, chel•a biaprango CUET sena nangenggipa chatro chatrirangni namgnina a•dok sorkari, CUET-ko ra•doatchina NTA-ko mol•mole seataha ine Education Minister parakataha.
Iani bidingo a•dokni Chief Minister Conrad K Sangma-ba, Union Education Minister Dharmendra Pradhan-ko gronge, a•dokni chatro chatrirangna a•doktangon CUET centre-rangko on•na aro chatro chatrirangna a•doktango centre-rangko man•kujaskal CUET-ko ra•dona gita National Testing Agency (NTA)-na ge•etaniko on•china mol•molangaha.
Na·simang ia video-koba nina man·gen:
Na·simang iakoba poraina man·gen: Nongpoh-o Int’l Nurses Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
