Shillong, July 3: Meghalaya a•dokni dam 844 adhoc upper primary (UP) skulrangko deficit gadangona ra•doatchina dabienggipani bidingo sorkariko gisik ra•attaina gita Sombar salo, Meghalaya Upper Primary School Association (MUPSTA)-ni dilgiparang, a•dokni Education Minister Rakkam A Sangma-ko grongeaha.

Minister-ko grongeani ja•man kobor ra•timgipa manderang baksa agangrikengon, Meghalaya a•dokni dam 844 adhoc UP skulrangko deficit-ni gadangona ra•dona gita 2019 bilsion gitcham MDA sorkari, proposal-ko on•china u•iatmanahani gimin da•alo iani bidingo Education Minister-na gisik ra•attaianiko on•angaha ine MUPSTA-ni president Kenneth Shadap parakataha.

Adhoc skigiparangna jaanti on•enggipa dormaharangara namen komiani a•sel ia sal somoirango skigiparang, an•tangtangni dedrangrangko chubata gadangrango poraiatna man•jaengani gimin adhoc skigiparangni dormaharangko bariatchina gitaba Education Minister baksa agangrikaha ine Shadap parakataha.

Shadap-ni parakatani gitade, SSA skulrangnade dingtang dingtang cholrang jekai, skulrangko chalaina tangka paisarangko dakchake on•ani, skul nokrangko taridape on•ani, chatro chatrirangna indin skul uniform-rangko on•ani aro uandakgipa gipin cholrangko on•engoba adhoc skulrangnade non-recurring grant-in-aid-ko on•gijani da•o bilsi 20-mang ong•pilengahachim.

Indake ong•engon, gipin skulrango skigiparang gitan, adhoc skulrango skigiparangba apsan kamrangko ka•paengani gimin gipin skigiparang gitan apsan dormaharangko man•pana gita adhoc UP skulrangko deficit-ni gadangona ra•doatchina gita MUPSTA-ni dilgiparang, a•dokni Education Minister-ko didiangaha.

Iakoba poraie nina man·gen: Skotong minister, Shillong-o ong·atenggipa Business Conclave-o bakko ra·anga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub