Shillong, Dec 5: Shillong songjinmani Mawdiangdiang-o gital rikenggipa Assembly nokko re•baenggipa 2024 bilsini July ba August jani gisepon matchotatchina gita Meghalaya sorkari, ia nokko rikenggipa contractor-na ge•etaniko on•angaha.

Mongolbar salo, Meghalaya Assembly-ni Speaker Thomas A Sangma, Mawdiangdiang-o rikenggipa gital Assembly nokko nina re•angaha aro ja•mano ia Assembly nokko rikenggipani bidingo, Assembly-ni Deputy Speaker Timothy D Shira, Meghalaya Assembly-ni Commissioner & Secretary Dr Andrew Simons aro dingtang dingtang department-ni official-rang baksa tom•e chanchirimangaha.

Dingtang dingtang department-ni official-rang baksa tom•e chanchirimani ja•man kobor ra•timgipa manderang baksa agangrikengon, ia gital Assembly nokko ta•raken matchotatna gita ua krenge kamko ka•enga ine Speaker parakataha.

Assembly nokni protchongko gital dake taritaienggipani bidingo talataniko on•angengon, ia gital protchongko silgittangchi taridapenga aro ia protchong, 2024 bilsini January jaon sokbana siengahani gimin protchongko February jaoni chatna a•bachengate April jaode matchotatna ka•dongenga ine Sangma aganaha.

Ia gital protchongko chatna skang IIT Guwahati aro IIT Roorkee-ni expert-rang name niangchenggen ineba Assembly Speaker parakataha.

Iakoba poraie nina man·gen: Do·o salruragipa garirangoniko niam gri kajina gilenga ine badi ka·a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub