Shillong, Jan 16: Meghalaya a•dokni skanggipa sorkari Engineering College, Shillong Government Engineering College-ko RUSA-ni ning•o Sombar salo, Meghalaya a•dokni Chief Minister Conrad K Sangma, Mawlai Kynton Massar-o do•ga oe on•angaha.
Keeping our youth at the forefront, the NPP-led MDA Govt. is according priority to education. We are creating opportunities in different fields to ensure our youth are equipped to succeed in life & to drive the development of Meghalaya in the future. pic.twitter.com/tPLGnOiA1x
— Conrad Sangma (@SangmaConrad) January 16, 2023
Ia Shillong Government Engineering College-o Civil Engineering, Electrical Engineering aro Mining Engineering-ko man•chape minggittam Technical Branch-ni Degree course-rangko on•gen aro ia college-ni branch ge•prakon komibeoba sak 30 chatro chatrirangna biap donggen.
Ia engineering college-ko do•ga oe on•angani somoio a•dokni Chief Minister, jinmana aganprakangengon, chatro chatrirangni nanganirangko NPP sorkari mikkango done kam ka•enga aro lekka poranan gisik on•bate kam ka•enga ine parakangaha.
“Chadamberangko janggi tanganio chu•sokgiparang ong•atna aro Meghalaya a•dokko mikkangchi namroro silroroaniona ra•angna gita ia sorkari, dingtang dingtang kamni a•bao cholrangko bikote on•enga,” ine Chief Minister aganaha.
