Shillong, July 11: Meghalaya a·doko bijoliko bariatna gita Meghalaya sorkari, National Thermal Power Corporation (NTPC) Limited baksa New Delhi songjinmao, Memorandum of Understanding (MoU)-rango soi ka·grikangaha aro ia soi ka·grikanio, Meghalaya a·dokni Chief Minister Conrad K Sangma, Power Minister Abu Taher Mondal, NTPC Limited-ni Chairman aro Managing Director Gurdeep Singh baksana Meghalaya Energy Corporation Limited (MeECL)-ni Chairman aro Managing Director Sanjay Goyal-ba dongpae bak ra·angaha.

Power Portfolio Management Services (PMS) MoU-o Meghalaya sorkari aro NTPC Limited-ni soi ka·grikaniara Meghalaya Discom-ko chalaina gita kamrangko nambatatenba, manderangna bijoliko nambate on·na man·gnok.

Ian MeECL-ko changgipa sapgipa manderangchi chalaina aro MeECL-ko chalaianio NTPC-ni bilrangko jakkalna miksonge soi ka·grikaniba ong·aha.

Ia MoU-rangara Pump Storage Power Plant (PSP)-rangko nambatatna aro Meghalaya a·doko Floating Solar project-rangko donan baksana a·dokni chonchongipa hydro project-rangko dake nina miksonge soi ka·grikaniba ong·aha.

Meghalaya a·doko bijoliko bariatna gita NTPC baksa MoU soi ka·grikna man·ahani gimin a·dokni Chief Minister Conrad K Sangma, an·tangni kusi ong·aniko parakatengon, Meghalaya a·doko bijoli man·aniko bariatna gita ia sorkari on·kange kamko ka·engani gimin ia MoU-o soi ka·grikanichi a·doko bijoliko bariatna dakchakani ong·gnok ine parakataha.

Iakoba poraie nina man·gen: ECI-ni delimitation draft-ko jegale TMC-ni dilgipa konta 10-na okumu chake jingjengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub