Shillong, April 23: Meghalaya a•doko gnigipa changna COVID-19 ta•rakbee giproroengani gimin a•doko COVID-19-ni tikarangko bilakbate su•angskana sorkari manchiangaha.
A•dokni Chief Minister Conrad K Sangma-ni u•iatani gitade, da•o dipet Meghalaya a•doko lak 1.88 COVID tikarangko su•aha aro mikkang jani gisepon bilsi 45 badegimin manderangoni sak lak 6.5 manderangnaba tikarangko su•na sorkari manchienga.
Iani bidingo dingtang dingtang a•jani deputy commissioner-rang baksa chanchirimangengon, nisanko done tikarangko su•na, mongsongbatgipa biaprangko sandina aro tika su•ani gnigipa bakko bilake matchotatna nangengani gimin a•dokni Chief Minister Conrad Sangma janapataha.
