Shillong, Jan 8: Ia sal somoirango a•gilsakni pilak biaprangon Human Metapneumovirus (HMPV)-ni giproroanina kenchaksotokengon, iani bidingo a•dok sorkari, health expert committee baksa tom•e chanchirimaha aro da•o dipet Meghalaya a•doko HMPV-ko man•giparang dongkujani gimin jajrengna nangani dongkuja ine Budbar salo, Health department-ni Principal Secretary Sampath Kumar talataniko on•angaha.
Kumar-ni aganani gitade, salgni skangsan uamang India sorkarini u•iataniko man•soenba Mongolbar salo, health expert committee baksa tom•e chanchirimangaha aro da•o dipet Meghalaya a•doko ia HMPV-ko man•giparang dongkujani gimin jajrengna nanganirangba dongkuja.
Ia HMPV sabisiara gusu-sordi dakgipa sabisisa ong•aiani gimin ramram sabisi gitasan ong•aia ineba Health official talataniko on•angaha.
A•gilsakni mitam bakrango HMPV giproroenga ine media-rango parakenggipani gimin janapatengon, da•o dipet iana Meghalaya a•doko jajrengna nangani dongkuja ine Kumar aganaha.
Indake ong•genchimoba, ia sabisini bidingo manderangna u•iatna nangenga aro tarisamsoe dongna nangenga ine Kumar aganskaaha.
“Meghalaya a•doko maibakae HMPV giprorona nanggenchimode ine chinga nanga gita kamrangko ka•samsoenga indiba HMPV-de COVID-19 gita mandeko siatgipa ong•ja. HMPV-ko man•e saa bilongna nanggenchimoba uan pneumonia ba bronchitis-kosan ong•atna man•aia indiba COVID-19 gita ta•rake giprorogipa ong•ja. Sabisini batrikrikaniko champengna gita mask-rangko ganjringchinaa aro jakrangko rongtale rakkichina health department, a•doko songdongenggipa manderangna ku•pattianirangko on•manaha. Saoba fever aro rang•sitanio neng•nikaniko man•e sagenchimode, uamang an•tangtangko simsake rakkina nanga aro chel•chakanirangko dakna nanga,” ine Kumar aganaha.
COVID-19 aro HMPV-ni dingtanggrikaniko talate on•angengon, “Ia minggni sabisian rang•sitanio neng•nikaniko ong•ata indiba COVID-19 sabisiara ta•rakbate giproroa aro oxygen baksana bilongbate simsakaniko nangbata. HMPV-de inditana bilakgipa sabisi ong•ja aro nambate nirok sandianiko on•na man•skaaia,” ine Kumar aganaha.
HMPV-ko man•genchimode maiko dakna nanga ine sing•anina aganchakaniko on•angskaengon, “HMPV-na simsakanide sordi-gusu man•ani somoio simsakaming apsanangaia indiba sabisini batrikrikaniko champengna gita mask-rangko ganjringna nanga aro jakrangko rongtal an•tale rakkina nanga. Ia HMPV-de kenna nangbregipa sabisi ong•ja aro bang•a changon paracetamol gita dakgipa samrangchin namna man•aia. Manderangna health department mikrakatanirangko on•samsoenga indiba da•o dipet iana kenna nangani dongja,” ine Health department-ni Principal Secretary aganenba, HMPV batrikrikani somoirangona Meghalaya sorkari tarisamsoaha aro da•o dipet kenjagokna nangani dongja ine parakataha.
Na·simang ia video-koba nina man·gen:
Na·simang iakoba poraina man·gen: Koela cho•aniko champengna gita 2014 NGT-ko ra•gatna man•gijanina Gaurav Gogoi sorkarini kosako matnangataha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
