Shillong, Sep 8: Ma·mong sorkarini Education Ministry, pilak a·dokrangon lekka poraniko 100 percent ong·atchina ge·etaniko on·ahani gimin Meghalaya a·dokoba lekka pora man·aniko chu·gimik 100 percent gapatna a·dok sorkari krenge kamko ka·gen ine a·dokni Education Minister Rakkam A Sangma ku·rachakaniko on·angaha.
Education Minister-ni aganani gitade, da·o dipet Meghalaya a·doko lekka pora man·ani national average-na bang·gija batengoba nanga gitade ong·mankujaengani gimin lekka pora man·aniko chu·gimik 100 percent gapatna gita sorkari rakbate kam ka·gen.
Jaintia Hills a·jao lekka pora man·ani komibatgipa ong·engani giminba Education Minister, chong·mot a·selko sandina ku·rachakaniko on·angaha.
Meghalaya a·doko lekka porani gita ja·manchakkuenganiko maikai uni department namatna miksongenga ine sing·anina aganchakaniko on·angskaengon, a·ja damprakni literacy rate-ko uamang nienba cholrangko sandie kam ka·gen ine Sangma parakataha.
Meghalaya a·doko songdong a·chaenggipa manderangoni 24-25 percent-ni gitade lekka pora dongkugijagiparangsa ong·a ine mesoke on·angskaon, ian kangal cha·a siani, skulrangni chel·ani aro dingtang dingtang neng·nikanirangni a·sel ong·enganaba gnang indiba ia hisapara baditana kingking kakket ong·a uko uamang am·sandie nina nanggen ine Education Minister parakataha.
Meghalaya a·doko lekka poraniko dontonggiparang batroroengani gimin an·tangni suk ong·gijaniko parakatskaengon, poraianiko dontonganiara primary aro secondary gadangrangosa ong·batenga aro a·doko chu·onga gita pre-primary skulrang dongjani a·selba lekka poraniko dontonganio hisaprang melijaengnaba gnang ine Sangma aganaha.
Secondary skulrango pass ka·anirang namen komiengani gimin sorkari, CM Impact Program-ni ning·o board porikkako bilsio changgni dake ra·na aro namdapatani class-rangko ra·na tik ka·aha ineba Education Minister parakataha.
Na·simang ia video-koba nina man·gen:
Na·simang iakoba poraina man·gen: Biplab Sarma Committee-ni ku·pattianirangko sorkari chu·sokatgen: Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
