Shillong, Apr 22: April-ni 22 tarikoni 24 tarikona Meghalaya a•dokni badiaba badiaba biaprango mikka balwa ta•rakan baksana mikka kimpretanirangko niknaba gnang ine Sombar salo India Meteorological Department (IMD)-oni mikrakataniko on•angaha.
Iandake IMD-oni mikrakataniko on•angani ja•man, chatro chatrirangni aro kam ka•giparangni namgnina a•dok sorkari, obostarangko nirikkienga aro nangani kri ku•pattianirangko on•anggen ine a•dokni Education Minister Rakkam A Sangma ku•rachakaniko on•angskaaha.
State Education Curriculum-ko tarianirang matchotangengaha aro jagnini gisepon ia curriculum-ko matchotna ka•dongenga ineba Education Minister, Sombar salo parakataha.
Sangma-ni u•iatani gitade, curriculum-ko tariani kamrang da•o matchotangengaha aro national curriculum-o gitan a•dokni pilak skulrangon Science aro Mathematics gita dakgipa subject-rangde apsan ong•aigen.
Indake ong•engon, skul bag-rang agre jredugaani a•sel chatro chatrirang neng•nikanirangko chagrongna nangtokengani gimin skul bag-rangni jreaniko komiatna gitaba sorkari ja•kurangko de•na ka•dongsoenga.
Na·simang ia video-koba nina man·gen:
Na·simang iakoba poraina man·gen: Tura-o dumper garichi salgaka man•gipa me•chik bi•sani ja•ako rattongna nanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
