Tura, Jul 20: Ia bilsini NEET-UG 2026 porikkako seanio Tura-ni chatro saksa, national rank-o bang•bate mark-rangko man•aha ine National Testing Agency (NTA)-ni official scorecard-o mesokani ja•man, Meghalaya-o nambatgipa ine mingako man•gipa Bakhambok Anthony Thabah-ni scorecard-ko nipilchina didiataha.
NEET-UG 2026-ni official scorecard-o mesokani gitade, Tura-ni chatro Obadiah B Sangma, gimik 720 mark-rangoni 602 mark-rangko man•enba, All India Rank (AIR)-o 9,409-gipa aro 99.5255 percent-ko man•e, ST All India Rank-oba 64-gipa ong•aha. Iana skangde, AIR-o 14,455-ko man•gipa Bakhambok Anthony Thabah-kosa Meghalaya a•dokni topper ba nambatgipa candidate ine mingahachim.
NTA-ni official scorecard-o Obadiah B Sangma, All India Rank (AIR)-o 9,409-gipa ong•ahani gimin national merit list-o Bakhambok Anthony Thabah-na skang ong•e, Meghalaya a•doko nambatgipa ong•skaaha.
National Testing Agency (NTA)-de state topper-rangko chapa ka•rongjani gimin kobor setimgipa manderang pangnan candidate-rangni, skulrangni ba coaching institute-rangni mesokgipa scorecard-rangonikosa sandie sena nangao ga•akronga aro uandaken skanggipa report-ko on•chenganio Obadiah B Sangma-ni scorecard-kode man•kujachimkon ine ma•sina man•aha.
Ia bilsini NEET-UG 2026 porikkao Obadiah B Sangma-ni chu•sokgipa ong•aniara Garo Hills-na mikkim rasongko ra•baaniba ong•aha aro uni 602 mark-rangko man•e, 99.5255 percent-ko man•aniara, uko salgro salaram jolrango nambatsranggipa candidate-rangoni saksaba ong•ataha.
Na·simang iakoba nina man·gen:
Na·simang iakoba poraina man·gen: Assam-M’laya simao donggipa Umchak songko Robibar salo chipata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
