Shillong, Mar 6: Meghalaya a•dokni Police department-o ming 3100-mangni gita kamrangko bakan gapatna sienga aro ia kamrangna salsa salgnini gisepon advertisement ba u•iataniko on•gnok ine Shillong Police Headquarter-o Recruitment Board-ni Chairman aro IGP FG Kharshiing u•iataha.
Kharshiing-ni u•iatani gitade, ia kamrangoni ming 76-de UB sub-inspector, ming 1255-de UB constable aro gipin kamrangde constable, firemen, driver fireman, fireman mechanic, MPRO aro signal operator battalion-rang ong•enga.
AB constable group-ni ning•o ming 1637-mangni gita kamrang donga aro ian AB constable, battalion constable, MPRO general duty constable, constable handyman aro driver constable-ni kamrang ong•a ineba Kharshiing parakataha.
Kharshiing-ni aganani gitade, a•dokni dingtang dingtang biaprango donggipa manderangna cholrangko on•na gita dambonga centre-rango ia kamrangna seokaniko dakanggen.
Ia centre-rangara, East Khasi Hills a•jao donggipa 1st Battalion, West Garo Hills a•jani Goeragre-o donggipa 2nd MLA Battalion, Jaintia Hills-o donggipa 3rd Battalion, West Khasi Hills a•jao donggipa 4th Battalion aro East Garo Hills baksana South Garo Hills a•jao donggipa manderangna Williamnagar-ni 5th Battalion headquarter-rang ong•gen ineba Kharshiing aganaha.
Ia kamrangna online gita dorgasto galaniko April 1 tarikoni a•bachengatgen ineba ua aganaha.
Na·simang iakoba poraie nina man·gen: Lok Sabha Election-o TMC dol ge•san ong•e susaagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
