Shillong, Sept 04: Kosakbatgipaoniko maming bil on·aniko ra·chenggija gisim rongni uniform-ko gananichi CrPC-ni section 171-ni niamko pe·ani gimin, Hynniewtrep Integrated Territorial Organisation (HITO)-ni dilgiparangko Sombar salo Shillong police-ni Sadar Police station-ona okamatani ja·man, HITO dolni jingjengataniko dakna am·aniko policel-rangni champengatani gimin adita so·so-jengjeng ong·aniko nikna gita man·angaha.
Koborni gitade, HITO-ni dilgipa Dondok Dhar-ko Sombar salo police station-ona okamatani gimin Meghalaya police-ni kosako jegale jingjengataniko dakna manchie Shillong-ni Post office sambao uamangni tom·dakaniko katbildangatna gita Meghalaya police, ua somoio mikchini gasrangko gona gita draatako man·ahachim.
Ua somoio, Meghalaya Secretariat office-chipakna re·jomange jingjengatna am·ani gimin HITO-ni manderangko GS Road-ni SBI Main office-o police-rangni champengenba uamangni kosako tear gas-rangko goani gimin HITO-ni manderangba police-rangko ro·ongrangchi aro bottolrangchi gochakskaaha.
Indake ong·engon, obostarang unomiting nambatrorojana kenchakeming bang·bata dokanrangan chiptokaha aro GS Road oni Police Bazar-ona dakanggipa rama-sorok jolgimikon jrip-chi·chang ong·aniko nikna gita man·aha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
