Tura, July 28: Assam aro Meghalaya-ni sima jolrango mande aro buringni mongmarang baksa nanggrikaniko komiatna aro mongmarangna chu·onga gita naljokatnirangko on·na kamko ka·atenganio, Assam, Goalpara-ni Wildlife Official-rang aro Tura-ni East and West Garo Hills Wildlife Division-ni gisepo tom·e chanchirimaniko Sukrobar salo ong·atangaha.
Ia tom·anio, Garo Hills Region-ni Conservator Forest, IFS S.N Sangma, Goalpara, Divisional Forest Officer, IFS, Tejas Mariswamy, Tura-ni DFO, Meghalaya Forest Service, Rupanker K Marak, Bibhuti aro Aaranyak, iamang baksana Garo Hills Wildlife Division-ni Range Officer-rangba bakko ra·angaha.
Salni bako tom·e chanchirimaniko dakanganio, mande aro mongmarangni gisepo nanggrikanirango aro a·dok damgnini gisepo mongmarangni batsotronggipa biaprango naljokanirangko on·na gita officer-rangni gisepo nangrime kam ka·aniko mangrakbatatna tik ka·grikangan baksa, mongmarangni jipjanganiko nambate koborko watgrikna aro on·grikna man·na gita WhatsApp group-ko kullina gitaba uamangni gisepo tik ka·aniko dakangjolaha
A·dok damgnini Wildlife Division, re·baenggipa August 12 tariko, Assam aro Meghalaya-ni simao skanggipa changna World Elephant Day-ko nangrime maninaba tik ka·angaha aro August jani bon·kamgipa antio Goalpara aro Tura-ni gisepo robol ga·tingsusaanikoba Tura jillao ong·atna gita wildlife official-rang tik ka·angjolaha.
Iakoba poraie nina man·gen: A•dokni pilak manderangkon chel•chakna police-rang kam ka•enga: Dy CM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
