Guwahati, April 7: Bombay Natural History Society (BNHS)-ni Scientist-rang, Assam-ni Kaziranga National Park-oniko, “A 25 chin ka·a donggipa nikronggijagipa Pallas’s Fish Eagle ba na·tok cha·e tanggipa do·gamdot-ko man·aha. Ia dogamdot-koara, Wildlife Science and Conservation Centre (WSCC)-ni Dr. Batmunkh-ni jakchi, Mongolia-o Ider ine bimung tapatgipa ong·a.
Ider, bilsi bongana Mongolia aro Kaziranga-ni gisepo bilwenwene dongengachim, jean nikronggijagipa biap jitani bewal chong·motan reverse migration ingipakoba mesoka. Asia-o iandakgipa do·gamdot-ara ramram samsam nikaigipa ong·achim, indiba da·alo uamangni dongram biaprang gimaani, na·tokrang komiani aro manderangni a·sel komibeaha. IUCN-ni aganani gitade, a·gilsak gimiko 2,500-9,999 mangni gita dal·gimin Pallas’s Fish Eagle-rang dongaiaha.
A·arang chijimgipa ong·anina mingsinggipa, Kaziranga, da·o November aro March jani gisepo do·orangna bi·sa pe·na gita gamchatbegipa biap ong·a. Uni jamanode, Ider, June-oni September jaona Mongolia-ni Buutsagaan Lake ba chibolona re·angpilgnok.
Uni songreaniara, Central Asian Flyway-ko jarika, jean do·orangni dam 30 a·songrang gita songreanina jakkalgipa mongsonggipa rama ong·a. Indake ong·engon, uamangni jakkalgipa ramani bidingo scientist-rangba name u·ikuja.
2025 bilsini January jao, 6-gipa Kaziranga Waterbird Count-ko ong·atanio, am·sandigipa dolrang 124 rokomrangni 112,000 mangna batpile do·orangko chanaha, jeoni rokom 7 do·orangde gimana sienggiparang ong·a. Uasan ong·aigija, uamang ta·raken gimaroroangenggipa Baer’s Pochard ba rokomsa do·gepkoba nikna gita man·aha.
Assam-ni Skotong Minister, Dr. Himanta Biswa Sarma, Ider-ni re·bapilanina rasong on·e aganengon, ian a·gilsak gimikoni bilbaenggipa do·orangna ma·chakna gita Kaziranga-ni gamchatbegipa ong·aniko mesoka ine aganangaha.
Na·simang ia video-koba nina man·gen:
Na·simang iakoba poraina man·gen: Shad Suk Mynsiem-ko maniani Sombar salo matchotanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
