Shillong, Aug 10: Bilsi 7-ni ja•man, Khasi Hills Autonomous District Council (KHADC)-ni gita ia bilsioba changsataie Monolith Festival-ko re•baenggipa December jao, Mawphlang-o donggipa Khasi Heritage Village-o ong•attaigen.
Ia changode Monolith Festival-ko batanggimin changrangna dal•bate aro nambate ong•atna miksongengani gimin Bristibar salo, KHADC-ni Chairman Lamphrang Blah-ni dilanichi Executive Committee-ni membor-rang, Mawphlang-ona re•ange biaprangko nieaha.
Mawphlang-ona re•ange nieani ja•man kobor ra•timgipa manderang baksa agangrikengon, Khasirangni man•e cha•begipa daka rikanirangko mesokna ia bilsioba changsataie Monolith Festival-ko ong•atna tik ka•aha ine KHADC-ni Chairman Lamphrang Blah parakataha.
Ia changode Monolith Festival-ko ong•atanio KHADC-na a•dokni Chief Minister Conrad K Sangma-chi dilenggipa MDA sorkariba dakchakanirangko on•anggen ineba ua aganaha.
Bon•kamgipa Monolith Festival-ko 2016 bilsini October jao ia apsan biapon ong•atahachim indiba ia ja•mande festival-ko ong•atanio tangka paisani gita neng•nikanirangko man•na nangahani gimin ia manianiko KHADC, dontongatchengna nangao ga•akahachim.
Iakoba poraie nina man·gen: Boko jolrango mikron saani batrikrikenga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
