Guwahati, May 13: Assam a•doko montol dakaniko bon•atna gita krengdilgipa Birubala Rabha, Sombar salo Guwahati songjinmani State Cancer Institute-o a•gilsakko watangaha.
Ua bilsi 70 gapahachim aro batanggimin somoirangonin ua cancer saaniko man•e janggitangna dakgrikbeengachim indiba nampilna gita man•jae ua Sombar salo, Gauhati Medical College & Hospital-ni State Cancer Institute a•gilsakko watangna nangaha.
Rabha-ni siangani ja•man, Assam a•dokni Chief Minister Himanta Biswa Sarma-ba kalimpaaniko parakataha aro uni kamrangna mittelpilanikoba parakataha.
Birubala Rabha, 1954 bilsio Goalpara a•jani Thakurvila songo atchiahachim indiba dambemitingonin ua neng•nikanirangko chagrongesa dal•bana gita nangahachim. Janggi tanganio neng•nikanirangko chagrongna nanggenchimoba ua montol dakanirangko bon•atna rakbee kamrangko ka•dilaha aro me•chikrangna uan ka•donganiko on•gipaba ong•aha. Uni iandake rakbee kamrangko ka•anichi Assam a•doko montol dakaniko champengna gita Assam sorkari, Prevention of and Protection from Witch Hunting Act-ko 2015 bilsio ra•gatna gita draatako man•aha.
Rabha-ni ka•donggipa kamrangna 2021 bilsio Padma Shri award-ko on•aha aro uko 2005 bilsio Nobel Peace Prize-na nominate ka•an baksana 2015 bilsio una Gauhati University-ni gita honorary doctorate-koba on•aha.
Na·simang ia video-koba nina man·gen:
Na·simang iakoba poraina man·gen: “Kilometre Zero”-ko Kydemkulai-o ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
