Dibrugarh, July 18: Bristibar salo, All Moran Students Union aro Moran Jatiya Mahila Parishad-ni membor-rang, Moran jatko a•dokni Scheduled Tribe (ST)-o chanchapatchina aro Moran Autonomous Council-ko Indian Constitution-ni Sixth Schedule ning•o napatchina dabie, Dibrugarh District Commissioner-ni office mikkango jingjengataha.
All Moran Students Union (AMSU)-ni Vice President Prasanta Gogoi-ni dilanichi, a•dokni Moran jatko ST-o chanchapatanio ru•uta somoirangko nangenganina matnange segipa lekka pal•takrangko ra•e jingjengataha. Unbaksana, Union Tribal Affairs Minister, Arjun Munda-koba iani bidingo ku•ma ong•enganina matnangataha.
Batanggimin 2024 Lok Sabha election-na wenani somoio, Other Backward Classes (OBC)-ni ning•o channa man•gipa ming 6 jatrangko chong•motan, Moran, Tai Ahom, Mottock, Koch Rajbongshi, Sootea aro Tea Tribe jatrangko ST-o chapatskagen ine BJP dol ku•rachakahachim, jeni a•selan uamangni chakpaanikoba BJP dol bang•en man•ahachim. Indake ong•genchimoba uamang an•tangtangni ku•rachakatangko chu•sokatjaenganina ia jat 6-ni gisepo ding•chaoanirang ong•katskaaha aro ia bidingo jingjengataona sokaha.
Indake AMSU-ni dilgipa, uamangni jatrangko ST-o chanchapatchina aro Moran Autonomous Council-ko Indian Constitution-ni Sixth Schedule-o napatchina Prime Minister Narendra Modi-o mol•mole, Dibrugarh-ni District Commissioner, Bikram Kairi-na Memorandum-ko on•angaha.
Na·simang ia video-koba nina man·gen:
Na·simang iakoba poraina man·gen: Shillong Ropeway projectko wachi ra·gataoni a·bachenggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
