Imphal, Jan 16: Special Commando Unit, Combat Team aro Moreh Police, dol gittam nangrimenba am•sandianiko dakanio, international sima ari-o donggipa songjinmani Moreh College sepangjoloniko, Police Officer, Ch. Anand Singh sagi-ko so•otanio jak donggipa sakgni manderangko rim•na man•aha.
Chelchakenggipa dolrangni patrolling ka•engmiting somoio, ia chanchipenggipa sakgni manderang, chelchakenggipa dolrangni garirangko niksoenba gona a•bachengaha aro nok te•sa donggipao katnape chakaha. Indake ong•engani gisepo, chelchakenggipa dolrangba, jakbikpila gita ia nokrangko duulenba, Mate Tribe Union-ni Finance Secretary, Philip Khaikholal Khongsai aro Hemkholal Mate-ko, attamni 4:40 bajimango rim•na man•aha.
Indake uamang baksa, guli ronggni gnanggipa pistol ge•sa, Chinese grenade, rong 10 guli barut gnanggipa AK silai aro ge•chikkung detonator ba bomb bretatani ostrorangkoba man•chapaha.
Indake uamang sakgnioni, Philip-an Manipur Police Officer, Ch. Anand Singh sagi-ko so•otgipa ong•achim ine u•ina gita man•aha.
Iani gisepon, ia rim•e donenggipa sakgni manderangko watatpilchina ine dabienba, songni manderang re•bae Moreh Police Station-ko chadrapna a•bachengaha.
Iakoba poraie nina man·gen: Dakronggijako dake President Murmu Meghalaya Games-ko oprakanio manderangko aiao inmanata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
