Imphal, Dec 17: Sonibar salo, Bilsi 25 ong•gipa Jangkhomang Baite, Manipur-ni Sugnu jolni G.Songel songo, mortar bomb-ni bretani a•selo bilongbee saknaatako man•aha.

Sepangjolo dongenggipa manderangni aganani gita de, G.Songel songni sepanggriko donggipa, Meitei jatrangni dongenggipa Tangjeng Khunjao songoni, pringni 11.30 bajimango ronggni bomb-rangko, G.Songel songona aro ronggipin bomb-rangko M.Mollum songona goataha ine nikna gita man•aha.

Indake, Jangkhomang Baite, an•tangni nangnikenggipa bosturangko brena gita dokkanona re•baahachim, indake ua somoio, G.Songel songona goatgipa ronggni bomb-rangoni rongsa ua dokkano bretdapaha ine sepangjolo donggipa saksa mande kobor ra•timgiparangna aganaha. Unbaksana, chelchaksona gita sima ari-o songoni volunteer dongiparangkoba, salgnina skangan Security Forces dolrang drae a•rikgalataha jeni a•selan altuae uamang ia bomb-chi chadrapna gita man•aha ineba ua matnange aganataha.
Apsan daken M.Mollum songo ronggni bomb-rang ga•akahachim indiba, ia a•selo darangba saknaatako man•jaha ine koborko man•soaha.

Manipur a•doko so•sojengjeng ong•engani a•selo, bang•a nok jamrang nisiatako man•aha aro hajal manderang noktangtangko wate katna nangao ga•akaha. Iani gisepon, Sugnu jolan bilongen nisiatako man•gipa biap ong•achim.

Iakoba poraie nina man·gen: An·senggipa Simsang Festival a·bachenga