Moscow, Oct 28: Russia a•songni Moscow songjinmao COVID-na tika su•aniko dontongatani ja•man coronavirus-ko man•giparang aro sigiparang rang•san tang•dobataiahani gimin nangchongmota ong•gijagipa pilak dokkanrangko aro skulrangko sal 11-na chipe donattaiaha.
Moscow songjinmao gital ge•etaniko on•angani ja•man nangchongmota ong•gijagipa dokkanrang aro pilak skulrangkon re•baenggipa November 7 tarikona chipe donattokaha.
COVID-19 sajinma giprorochengaoni Russia a•songo sak 230,000-na baten manderang siangahani gimin Russia a•songni President Vladimir Putin, a•songtango man•gipa Sputnik V aro uandakgipa tikarangko manderangna on•ahachim indiba Russia a•songni bang•a manderangan ia tikarangko su•na jechaktokahachim.
Koborko on•ani gitade, Bristibar salona kingking Russia a•songo songdong a•chaenggiparangoni 32 percent-san tikarangko su•e ra•engkuachim.
Russia a•songo coronavirus giproroaniko champengna gita Russia a•songni President Putin, October 30 tarikoni November 7 tarikona kingking a•song gimikon dormaha gnang chuttikoba parakataha aro uandaken Bristibar sal dipet nangchongmota ong•gijagipa dokkanrang baksana skulrangkoba November 7 tarikona chipe donattokaha.
