Guwahati, Aug 7: Congress dolni MP gitcham aro a·gipibatgipa dilgipa Ripun Bora, Upper Assam-ni mitam dolrangoni adita salrangna skang mangmang konta 48-ni gisepo muslim jelbatgipa Lower Assam-o muslim worker-rang ba muslim kam ka·e cha·giparangko ua biapko wate katchina Quit Notice-ko on·ani bidingo Assam sorkarini kosako matnangataha.
Bora ia ong·a obostako constitution aro manderangna on·gimin bilni kosako re·badeani ong·a ine raken jegalaniko dakataha. Biap wate re·angna aganako man·gipa manderangara janggi tangna kam ka·e cha·enggiparangsan ong·a aro maming sakki grian uamangko “NIA” ine bimung mingako man·enga ine aganengon, uamang kakketgipa, gisiko nange kamko ka·giparang ong·an baksana India-ni je biapoba dongna aro kam ka·e cha·na Constitution-o uamangna bilko on·aha ineba ua kobor ra·timgiparangna u·iataha.
Iako dakaniara, RSS aro BJP-ni donugimin miksongani donga ine ua a·kangatengon, BJP dol, 2026 election-o ama cha·na kenenba manderangko bak dakatan baksana manderangni gisiko kenaniko giproroatna jotton ka·enga ineba Bora janapataha. Iani gisepon, politics-o an·tang namgniko man·a miksonge a·dok sorkari torom-ni bimungo so·so jengjeng ong·aniko ra·baenga ineba ua matnangataha.
Adita somoirangna skang so·so jengjeng ong·ani somoio silchidare ra·bitgipa dolrangni manderangko ka·mikkenatenggipa jawilwatni bidingo ua janapatengon, Skotong Minister Himanta Biswa Sarma-ara iani bidingo maina jrip nie dongenga ine ua sing·doaniko dakataha. Ian 2018 bilsio Supreme Court-ni je niamkokoba jako ra·jachina on·gimin niamni kosako re·badeani ong·e ine aganengon, niam retirangko name rakkigijanina Skotong Minister-ni kosako ua matnanganiko dakataha.
Bebe gita uamangni a·kangenggipa NIA doloniko gipin a·songni mandeko man·genchim ong·ode niamni gita sasti-ko on·a nanga ine aganengon, India-o songdongkamgipa manderangna biaprangko wate re·angchina agananiara kraani ong·ja aro iako daknaba on·a nangja ineba Bora agandapangkuaha. Congress dol ia niamgri ja·ku de·ani kosako raken jegalatengon, manderangna on·gimin bilko rasekenga ong·ode uamang jrip nie dongaijawa ineba ua u·iataha.
Uni ia kattarangara, Assam a·doko re·baenggipa election-ni a·sel political-ni gita so·so jengjeng ong·anirang jekai mandeni chong·mot ong·ani, napsrukbagipani aro toromo meli nangrime donganio so·so jengjeng ong·anirang batrorobaenganiko mesoka.
Na·simang iakoba nina man·gen:
Na·simang iakoba poraina man·gen: NSTI-W Tura-ko chalaianio name nirokjaenga ine matnanganiko authority-rang jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
