Tura, June 10: Tura Lok Sabha MP-na gital ong•e seoka man•gipa Saleng A Sangma, Gambegre Assembly Constituency-ni MLA ong•e dangdike on•ani kamko, June 10 tariko wataha. Indake, Gambegre Assembly Constituency-ko dilna by-election-ko ong•atani jamano, gitalgipa MLA-ni mikkangko nikangtaina man•gen.
Saleng, uni kamko watatani chittiko, Speaker Thomas A Sangma aro Meghalaya Assembly Secretariat-na Sombar pringni 11:46 bajimango on•angaha.
Indake, uni kamko wataniara, Assembly-o Congress dolni bilakaniko komiatani gita ong•aha mongsongbate, Garo Hills a•jaoni darangba Congress doloni dilgipa dongjaha ine nikna man•a.
Unbaksana, Khasi Hills a•jao Voice of People Party (VPP) dolni seat-rangna bateba Tura Constituency-o Congress dolni dilgiparang komibataha.
West Garo Hills a•jani Gambegre Assembly Constituency-o by-election-ko ong•atanirang chang 4 mang gappilaha ine nikna man•a.
Election Commission of India-ni gita, ja 6 mangni gisepon by-election-ko ong•ate gitalgipa Legislator-ko seokchina ge•etaniko on•ataha.
Tura-ni MP-na seoka man•gipa Saleng A Sangma, Hub News baksa agangrikengon, a•doko sorkarini kamko man•gija kamgri ong•e dongenggipa chadamberangni batroroengani bidingo aro UPSC porikkarango maming neng•nikagri ku•tangchi porikkako sena man•a gita Eight Schedule-ni ning•o Khasi aro Garo ku•sikrangko ra•gatchina ku•rang on•aniko dakanggen, maina iarang mongsonggipa neng•nikanirang ong•batenga ine aganan baksa, education sector-chipakko niatgenchimode, Shillong songjinmaan salgro salaram jolrangni bidako on•ani rongdik ba mongsonggipa bak ine channako man•gipa ong•achim, indiba da•alo bidako on•anio komiasa komiroroangenga aro chatro chatrirang gipin a•dokrangchi ong•kate kamrangko am•sanditokenga jean songdong a•chaenggipa manderangna neng•nikani ong•beenga. A•dokni MLA-rangba ia neng•nikanirangni bidingo A•chikrangni palo aro a•dokni songdong a•chaenggipa manderangni palo ku•rangko on•enga, apsan daken uaba ia neng•nikanirangko Parliament-o ku•rang on•gen ine aganaha.
Garo Hills a•jani manderang jemangan, una vote-ko on•aha aro je manderangan, uko Tura seat-o chegipa ong•atna krenge kamko ka•ahachim, uamangkoba ua mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Bogibeel-ni Toll Plaza-o LPG gas cylinder-salgipa truck chagaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
