Dibrugarh, June 10 : Robibar sal, chongmotan June jani 9 tariko, Dibrugarh-oni kilomitre 17 mang ong•gipa biapo donggipa, Bogibeel dollong sambao rikenggipa Toll Plaza-o, LPG gas cylinder-ko gape ra•baenggipa truck chagakeaha, jeni a•selan rikenggipa Toll Plaza building namen nosto ong•atako man•aha.
NL 02 N 7660 registration number gnanggipa truck, Tinsukia Makum-oni Lakhimpur ramako re•baengachim, jean rikenggipa Toll Plaza-o chagakenba soroko ga•akeaha, jeni a•selan ua jolo songdonggipa manderangko kenjagokatan baksana re•ruragipa manderangna wa•al kamna kenchakanirangko ra•baaha ine koborrangko man•soaha. Ia truck chagakeani a•sel, ge•gni toll lane-rang, krongrang aro napna tarigipa cholguga nosto ong•atako man•aha.
Truck-ni handyman ia a•sel ong•anio bang•a mata buanirangko man•ahani gimin sanna bannaniko dakna gita DMCH-ona rimangaha, ine police dolrang u•iataha. Ia a•sel ong•aniko kobor man•e, Leptakota Police Station-ni police dolrang aro wa•al kimitgipa dolrang ua biapona naljokataniko on•a gita sokangaha. Re•ruragipa manderangna maming neng•nikaniko man•jana gita nangchakea man•gipa sorokko ta•raken rongtalataniko dakataha.
Na·simang ia video-koba nina man·gen:
Na·simang iakoba poraina man·gen: Gittamgipa Modi sorkarini minister-rang ku·mikcheta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
