Shillong, Sept 08: A·dokni manderangna naljokaniko on·na aro a·doko dongenggiparangko nirok-sandianiko dakna gita ra·gatgipa “Meghalaya Residents Safety and Security Act” -ni Online portal-ko Meghalaya sorkari, Bristibar salo a·bachengate on·aha jekon East Khasi Hills a·jani gittim ba biap dam 7 -o ra·gatanggen.
Ia online portal-chi a·doko songdongkamgiparangna naljokaniko on·na aro gipinchini re·bae manderangni noko para ra·e dongenggiparangni gimin nirok-sandianiko dakna gita dakchakanirangko on·gen.
Portal-ko a·bachengate on·angengon, ian songsaro tom·tomaniko golmal ka·na gita a·doko donge cholko ra·enggipa manderangko champengna aro so·so-jengjeng ong·aniko ra·bagnioniko champengsona gita miksongani ong·enga. Ia portal-chin gipinchini re·bae a·doko nok para ra·e dongenggiparangni gimin talna aro uamangko nirok-sandianiko dakna gita man·gen ine a·dokni skotong minister Pa Conrad K Sangma parakataha.
The 7 localities include—
Nongrim Hills, Lapalang, Nongrah, Nongmensong, Pohkseh, Raid Laban and Wahdienglieng. Thank the localities for joining hands with us in this initiative. pic.twitter.com/X5dl9F2lku
— Conrad Sangma (@SangmaConrad) September 8, 2022
Indake ong·engon, iako da·omiting, Nongrim Hills, Lapalang, Nongrah, Nongmensong, Pohkseh, Raid Laban aro Wahdienglieng gittim ba biaprango ra·gatanggen.
