Shillong, June 15: Minister an·tangmanchade dos dongani ja·dil-ja·pangko sandie nichenggija sakgipinrangni agananiko knaanio pangchakesa Meghalaya State Commission for Women (MSCW)-ni Chariperson, Ma Phidalia Toi-ko kamoniko ra·galaha ine an·tangni kosako matnange agananirangko Meghalaya-ni cabinet minister Pa Paul Lyngdoh, Bristibar salo raken jegalataha.

Chu·gimik talatanirang baksa una on·gipa report-ko ua an·tangan porie niaha jechin Ma Toi, dingtang dingtang tom·anirango bakko ra·pajaha ine nikna man·aha ine Pa Lyngdoh janapatenba, changbri joljol tom·atanirango dongpana nanganiko chairperson an·tangba ma·siachim, indiba report-o janapani gita tom·atanirango ua changsaba bakko ra·a dongjaha, unbaksana, batanggimin somoio a·dokni assembly-na pu·onatanio election campaign-rango bakko ra·angpaanina uni kosako badi ka·anirangkoba man·soaha, uni gimin, iandakgipa manderangni kosako sorkari ja·kuko de·atjaoba, manderango neng·nikani donga aro ja·ku de·atoba manderango neng·nikani dongtaiaia aro iandake sorkarini kosako matnanganirangko daknade manderangna altubea ine Pa Lyngdoh aganangaha.

Iani bidingo, Meghalaya State Commission for Women Act, 2005-o on·sogimin niamrangko pe·ani giminsa minister, uko kamoniko ra·galenganiko press conference-o parakataha ine janapenba, chairperson-ko kamoniko ra·galanina MSCW, uamangni jagok-jabrangmanpilaniko parakangahachim ine nikatna man·a.

Ka·sachakani gnang aro kena gnangsa sorkari kamko ka·enga ine aganani maming orto dongja ine Pa Lyngdoh aganangkuenba, ia mamlako sandirokatna gita department, committee-ko songgen aro political-ni mandekosan seokronga ine koborrango sorkarini kosako matnanganirangko dakahani gimin, ianpakode political-o maming bak donggijagipa aro me·chikrangni neng·nikanirangko ma·sichakgipa mandekosa sorkari seokskana gita nangnikenga ineba minister parakataha.

Also Read: Tripura a·doko TISF-ni rally-ko ong·atanganio police aro jingjengatgiparang nanggrika

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub