Williamnagar, June 23 : Meghalaya State Legal Services Authority (MSLA), sorkarini dingtang dingtang department-rang jekai Health and Family Welfare, Social Welfare, Education, Fisheries, Soil and Water Conservation, Textiles, Election, Agriculture, Horticulture baksa nangrimenba, National Legal Services Authority (NALSA)-ni  scheme-rang aro sorkarini welfare-rangko  “Back to School” katta bichongko donenba, June jani 22 tariko Rongrenggre Govt. Higher Secondary School-ni kalchakram biapo ong•atangaha jeon bang•bea iano bak nanggipa manderang bak ra•angpaaha.

Ia indakgipa camp-rangko sorkarini dingtang dingtang department-rang baksa nangrime ong•ataniara scheme-rangko tarigipa dolrang aro manderangko sepanggrik ong•atna dakchakgen inenba, ia program-ko ong•atanio mongsonggipa sokgipa ong•e re•bagipa Meghalaya High Court-ni Judge aro MSLSA-ni Executive Chairman Justice HS Thangkiew aganangaha. Lekka porako skie ra•anichi bi•sarangna bang•a cholrangko ra•baa ine aganengon, Thangkiew bi•sarangko pora bidaniko ra•china gita didina nangchongmotani aro sakanti maa pako uamangni dedrangni mikkangchi name janggi tanganina on•gilaniko dakchina mol•molaniko dakna nangchongmotani giminba aganangaha. Bang•a chatro chatrirang covid-19 sajinma saani somoio school-rango dongna gita man•jaha aro mittamrangara covid-ni a•sel ma•a parang kamrang bon•ani a•sel bi•sarangko school-o watna gita cholrang ong•jaha. Indake ong•engon, a•doko lekka pora man•ani 75% mangni gitasan ong•aia, uni gimin a•dok sorkarini gita ia pilak poraianiko watna nanggipa bi•sarangko rimbapilna gita bang•a cholrangko on•anggen, ineba ua u•iatangaha.

Una agreba, ua state legal services authority-ni gita cholgri ong•giparangna niamni gita indin dakchakanirangni giminba agantalate on•angan baksana MSLSA-ni gita bi•sarangna lekka poraniko on•ani gamchatani gimin awareness program-ko a•bachengataha ineba u•iatangaha.

Social Welfare Department-ni Joint Secretary Sabrella B Marak, uamangni  department-ni gita bang•a scheme aro program-rangko a•bachengatani gimin aganan baksana Mission Shakti aro Mission Vatsalya-ni ning•o bang•a dingtang dingtang namgnirangko on•ani bidingoba aganangaha. Iani gisepon, School Education aro Literacy-ni Deputy Director RZ Das, school-oni ong•katna nanggipa aro porainiko dontonggipa bi•sarangko schoolona rimbapilna man•a gita dingtang dingtang cholrangni gimin talate on•angan baksana, East Garo Hills-ni school ge•sakode NIOS-ni gita ra•chakaniko man•aha inena parakataha.

East Garo Hills-ni DM&HO, Dr CEN Sangma, National Health Mission-ni gita on•gipa  financial aro non-financial scheme-rangni giminba talate on•angskaaha.

Ia tom•anio, Williamnagar District and Session judge BM Joshi rimchaksoani kattarangko aro ADC D A Sangma mittelpilani kattarangko aganangskaaha.

Ia salni bakon, Justice Thangkiew “Back to School” campaign baksana a•dok gimiko dam 11 NIOS centre-rangko a•bachengate on•angan baksana school drop out-rangna Symbolic Certificate-rangko, assistive devices-ko ba be•enni gita bilgri ong•gipa bi•sarangna dingtangmancha uamangna jakkaltogipa bosturangko suale on•angan baksana pilak sorkarini dingtang dingtang scheme-rangko a•bachengatchina gita cheque-rangkoba suale on•angaha.

A•doko songdongenggipa pilak manderangna on•a man•gipa dingtang dingtang scheme-rang aro namgnirangko mesokna gita sorkarini gita dingtang dingtang dokanrangko tarienba mesokatanirangkoba dakangaha.

Ia program-ko ong•atanio, NALSA-ni theme song ba git ringani baksana Rongrenggre Model Deficit Secondary School aro Educere Higher Secondary School-rang gitrangko ringangaha aro MLP cultural troupe-ni gita doka damanirangko dakangskaaha.

Na·simang ia video-koba nina man·gen:

Na·simang iakoba poraina man·gen: Kamakhya Temple-o Ambubachi Mela-ko a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub