Shillong, Aug 9: Mukroh songo a•sel ong•anide Assam aro Meghalaya a•dokni simarango meligrikgijanirangko namatna gita agangrikanio maming nangeani dongja ine Budbar salo, Hynniewtrep Border Dispute Redressal Forum (HBDRF)-ni ku•wattimgipa Thomas Passah parakataha.
Iani bidingo kobor ra•timgiparangna talataniko on•angengon, 2022 bilsini November 22 tariko Mukroh songo Assam police-rangni skatang goanichi Meghalaya a•dokni sakbonga aro Assam-ni saksa manderang sianganide da•o Assam aro Meghalaya a•dok damgnini gisepo agangrikani baksa maming nangchakeani dongja ine Passah parakataha.
Assam-ni manderang darangba Meghalaya a•dokni ning•o ga•akgipa a•arangko kangjachina ineba ua aganaha.
Inquiry Committee-ni janapatanio ‘Jrikyndeng’ police station ingipa kattako ra•ahani gimin sing•doatengon, “Ia Jrikyndeng ingipa kattara Assamese-ma Karbi ku•sik? Jrokyndeng-de Pnar ku•sik ine darangan ma•sia, uni gimin Mukroh-de chu•gimikan Meghalaya a•dok ning•osa ga•aka,” ine Passah parakataha.
Iakoba poraie nina man·gen: Assam, Pub Haldibari-ni NH-37 ramako Royal Bengal matcha mangsani batsotako manderang niktoka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
