Tura, Apr 11: Tura jillao rongtal an•talaniko rakkina aro dingtang dingtang gittimrango songdongenggipa manderangko didina gita Sukrobar salo Tura Municipal Board (TMB), Swachh Bharat Mission 2.0-ni ning•o, Tura jillani mongsonggipa biaprango jinma rongtalataniko ong•atangaha.
Ia rongtalatanio, dingtang dingtang dolrang, jekai Federation of Khasi Jaintia Garo People (FKJGP), A•chik A•song Environment Enthusiast Society (AAEES), Garo Students Union (GSU), Association for Democracy and Empowerment (ADE), Central Puja Committee, Tura Traders Union aro uandakgipa dolrang baksana dingtang dingtang gittimni manderangba bak ra•angtokaha.
Jinma rongtalataniko mongsongbate Tura Bazar, Najing Bazar, Ringre, Chandmari, Araimile aro Hawakhana-ni ning•o donggipa biaprango ong•atangaha aro ia rongtalatanio bak ra•giparang, ramarangko, manderangni bazar anti cha•gipa biaprangko, chiring chibisikrangko aro uandakgipa biaprangkoba rongtalatangaha.
Ia rongtalatanio Najing Bazar Committee-ba bak ra•angaha aro uamang, Najing Bazar jolrangko rongtalatangskaaha.
Na·simang ia video-koba nina man·gen:
Na·simang iakoba poraina man·gen: Skanggipa changna Garo Hills-o a·bri maldoani bidingo skie on·aniko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
