Guwahati, April 5: Muslim Rashtriya Manch (MRM), Parliament-o ra·gatgipa gital Waqt Amendment Bill-na chu·gimik chakpaaniko on·enga. Assam Muslim Manch Convenor, Alkas Hussain, ia gital ra·gatgipa bill waqt property-rangko jakkalsretanirangko chel·chakan baksana nama dingtanganiko ra·bana dakchakgen ine aganangaha. Mosques, madrasas ba dargah-rangna jakkalgimin a·arangko sorkari maming saloba sekdrajawa inenba, ua Assam-o donggipa Muslim-rangko jajrengna nangjawa ineba ka·dongataniko on·angaha.
Waqt a·arangara, kangal cholgrirangna ma·chakani, pora bidani aro sana bananiko on·asa miksonge on·gipa ong·a inenba Hussain talate on·angaha. Indake ong·engon, uarangoni mitam a·arangko sekdragipa dolrang sekdraenba building-rang, hostel-rang aro bading chiwalgiparangna jakkalan baksana bia ka·chakna tarigimin nokdringrangkon gipin kamrangna jakkalskaengaha.
Uasan ong·aigija, a·song gimikon waqt-ni tangka paisarangko name jakkaljaenga inenba ua gisiko suk onggijaniko parakataha. Waqt-ni gita tangka gong 120 kror-ko man·genchim ong·oba, unoni bang·a tangkarangan gimaaha ba name jakkala dongjaenga. Uni gimin ia gital ra·gatgipa bill-ara waqt-ni tangka aro a·arangko name jakkalna dakchakaniko on·an baksana iako nangenggipa manderangnaba namgniko on·a dakchakgen ine ua ka·dongsoenga.
Hussain, Prime Minister Narendra Modi-ni sorkariko, Muslim-rangna dakchakaniko on·a on·kange kamko ka·enga inenba rasong on·e aganangaha. Uni bebe ra·ani gitade, ia gitalgipa niam, waqt-ni a·arangko niamgri sekdraanirangko champengan baksana nama kamrangna jakkalangskana dakchakaniko on·gen. MRM-ni chakpaaniko on·aniara, waqt property-rangko kakket ong·e mikkang nitea gri jakkalanggen ine sorkario uamangni ka·donganiko mesoka.
Na·simang ia video-koba nina man·gen:
Na·simang iakoba poraina man·gen: Assam: Cha·uanina badi ka·ako man·gipa mande saksa CM-ni jakchi Bihu-na boksis on·ako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
