Shillong, Aug 17: Bristibar salo, All Jaintia Muster Roll Workers & Labour Union-ni tom•bimonganiko West Jaintia Hills a•jani Ummulong-o ong•atangaha aro ia tom•bimonganio Meghalaya a•dokni Chief Minister Conrad K Sangma-ba dongpae bak ra•angaha.

Ia tom•bimonganio a•dokni Chief Minister, jinmana aganprakangengon, 2018 bilsio MDA sorkariko rikchengani somoio Muster Roll worker-rang, somoi gita dormaharangko man•jae neng•nikanirangko chagrongna nangtokengachim aro ia neng•nikaniko namatanio ia sorkari dingtang dingtang ra•bianirangko chagrongna nangahaoba, dingtang dingtang department-rang baksa nambate kamrangko ka•na man•aha aro da•o chu•gimik ong•jagenchimoba bang•bata department-rangon, muster roll worker-rangna somoi gita dormaharangko on•na man•paengaha ine parakataha.

Sorkari department-rangna jagittamni tangkarangko on•sochina gita Finance department-na ge•etaniko on•ani ja•mansa bang•bata department-rangan, muster roll worker-rangna somoi gita dormaharangko on•na man•engaha ineba Chief Minister parakataha.

Muster roll worker-rangni neng•nikanirangko salsanode namatna man•jawa indiba sorkari ka•sinsin kamrangko dingtangate da•o muster roll worker-rangni neng•nikanirangko namatna man•engaha ineba ua aganaha.

MDA sorkariko rikchengani somoio bang•bata manderangan, batanggimin bilsi 50-na namatchipna man•jaenggipa neng•nikanirangko namatna gita ka•dongsotokengachim ine janapatengon, manderangni nangnikanirangko chu•sokataniara namen rakbegipa kam ong•genchimoba ua Meghalaya a•doko songdongenggipa manderangni bakrimanichi, a•doko chubata gadangona ra•doatna gita on•kange kamko ka•enga ine Sangma parakataha.

Iakoba poraie nina man·gen: Sogimin do•chirangko galanina truck gari bolsako Umsning-o rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub