Shillong, June 13: Bosturangko soatgijani sam ba formalin-ko porikka ka·e nianio na·tokrangoniko ua samko man·anichi gipinchiniko ra·napbaenggipa na·tokrangko Meghalaya sorkarini chu·gimik sal 15-rangna kingking champengenganiko parakatani adita salrang ja·man, na·tokrango formalin samko su·chape watatenggipako bon·kame rim·a man·aha ine East Khasi Hills-ni district administration Mongolbar salo parakataha.

Indake ong·genchimoba, East Khasi Hills a·jani Deputy Commissioner aro Food Safety-ni Commissioner Ma Rosetta Mary Kurbah, sandie man·ani bidingo talatanirangko on·na gitade jechakangskaaha.

Officer-ni aganangani gitade, a·palchiniko ra·napbaenggipa na·tokrangko champengataniko ra·galpilahaomangba, uko cha·soenggiparangna mamingba ong·jana gita iani bidingo niroke kamko ka·atenggipa department, a·dokona ra·napbagipa na·tokrangko porikka ka·e nijringanikode dakangaikugen.

Porikka ka·e nimangimin na·tokrangkosan bajar-antirango palna-sim·na gita on·aigen aro ia mamlani bidingo nanga gita talatanirangko on·chengesa department-ni jako pakwatanggen ineba Ma Kurbah aganangaha.

Manderangni cha·rongbatenggipa rohu na·tokrangni gimin mongsongbate simsakbatna gita nangenga ine DC u·iatangengon, champengataniko ra·galani ja·manomangba rohu na·tokrangkode dingtangmancha nirikkiangkugen ineba ua agandapataha.

Iakoba poraie nina man·gen:  Nongpoh-o mikka jime waani ja•man bilsi 40 ong•gipa mande saksa sripe sia 

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub