Kohima, Jun 26: Nagaland a•doko bilsi 20-ni ja•man damgittam municipality aro dam 22 town council-rangni election-ko Budbar salo ong•atangaha.
Nagaland State Election Commission-ni u•iatani gitade, municipality aro town council-rangni election-ko skanggipa changna me•chikrangna 33 percent biapko done ong•atangaha aro ia election-ko ong•atani bang•bata biaprangon tom•tome matchotangaha.
Ia election-o dol 11 political party-rangoni gimik sak 523 candidate-rang susaangaha aro ia election-o Nagaland a•dok gimikoni sak 1,13,521 me•chikrangko man•chape gimik lak 2.23 manderang pu•ontokenga.
Election official-rangni u•iatani gitade, ia election-o electronic voting machine (EVM)-rangni pal ballot paper-rangko gimik dam 420 polling station-rango jakkalangaha.
Indake ong•engon, ia municipality aro town council-rangni election-o Eastern Nagaland People’s Organisation (ENPO), bak ra•jana gita tik ka•angskaenba, Nagaland a•dokni salaram jolo donggipa damdok a•ja gimikon bak ra•jachina gita didiangaha.
Ia damdok a•jarango donggipa Nagarangna ‘Frontier Nagaland Territory’-ko dabienba ENPO, ia election-o bak ra•jana gita tik ka•angaha.
Na·simang ia video-koba nina man·gen:
Na·simang iakoba poraina man·gen: Int’l Day Against Drug Abuse-ko maniani bak gita Athiabari Police-rang re•jomaniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
