Shillong, June 16 : Bilo ong•enggipa National People’s Party (NPP)-ni, Gambegre Assembly election-o susana gita candidate-ko seokanggen, iano susapana gita sak 10 manderang party ticket-na galtokaha.
“Indake ong•engon, manderang Skotong Minister Conrad K Sangma-ni jikgipa Dr. Mehtab Chandee A Sangma-ko party-ni gita susaaniko nangnikenga,” ine NPP-ni dilgipa mongolbar salo u•iataha.
Battanggimin Lokh Sabha Election-o, Skotong Minister-ni nogipa Agatha K Sangma-ko lakh 1.55 mangna batpile vote-rangko man•e Saleng A Sangma amatenba, gital MP-na seokako man•e Gambegre seat-ko watna nangenba dao by-election-ko ong•atna nangengaha.
Ia bye-election-o susana gita party ticket-na galgiparangara da•o ong•enggipa MDC-rangna agreba, Skotong Minister-ni adagipa James Sangma aro nogipa Agatha Sangma-ba ong•paa.
Congress party ticket-na galgiparang sak 12 gapa.
Koborrangko man•soani gitade, opposition Congress dolni party ticket-na galnagiparang, gitcham cabinet minister aro Congress dolni working president Deborah Marak-ko manchape sak 12 mang donga.
Indake ong•engon, Trinamool Congress-ni gita party ticket-o Rangsakona-ni gitcham legislator Zenith Sangma-ni jikgipako susaatna sienga ine koborrangko man•soaha.
Na·simang ia video-koba nina man·gen:
Na·simang iakoba poraina man·gen: Int’l Day Against Drug Abuse-ko maniani bak gita Athiabari Police-rang re•jomaniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
