Shillong, July 1 : Nagaland-o ong•atanggipa Urban Local Body (ULB) election-o Dimapur Municipal Council (DMC) aro Kohima Municipal Council (KMC)-ni dam 5 ward-rangko man•e chu•sokgipa ong•aha.
Ia result-ko 2024 bilsini June 29 tariko parakatanichi, NPP dolna chakgiparang bangbatroroani aro uamango ka•donganiko nikna gita man•aha.
NPP dolo cheaniko man•giparangara, Dimapur Municipal Council (DMC)-ni ward no. 10-ko man•gipa Nikali Sumi Chophi aro DMC-ni ward no. 23-ko man•gipa Jonathan Yepthomi ong•a. Iani gisepon Kohima-o, ward no. 14-ko Vizokhoto George Kirha, ward no. 16-ko Aneü Khaming aro ward no. 19-ko Medoviu Martin Suohu man•angskaaha.
NPP dolni, National General Secretary, James K Sangma, jean party-ni palo ia ULB election-o nirokaniko dakangahachim, election-o chu•sokgipa ong•anina an•tangni katchaaniko parakengon, “ia chu•sokaniko man•aniara party-ni chu•sokanisan ong•aija indiba, Nagaland a•dokni namroro silroroanina niksamsoe kam ka•gipa sakantinin ong•a. Aro chinga ia niksamsoaninan on•kange kamrangko ka•anggen aro ia nomroro silroroanina kam ka•anirangko chinga gimikni gitan chu•sokgipa ong•atna jotton ka•anggen,” ine aganangenba, ua Nagaland State President, Nagaland-ni NPP MLA-rang, State Executive Member-rang, Mahila and Youth wings, Minority cell-rang aro pilak party-ni member-rang jemangan ULB election-o neng•takpilgija kamrangko ka•ahachim uamang sakantikon mitelaniko dakangaha.
NPP dolni National Youth President Nickey Nongkhlaw, politics-o aro jatko tang•dobatatanio chadamberangni bakrimani gamchatani gimin gisiko nangbate aganangenba, ia election-o party-ni youth wing ba chadambe dolrang mongsonggipa ong•e kamko ka•angaha ineba aganangkuaha. “Ia dam 5 ward-rangko man•anian chadamberangni namgipa dingtanganiko ra•baani aro gital bilrangko mesoka. Chinga political-ni gita gitalgipa dingtanganiko ra•bana miksongenga jeon chadamberangni bak ra•paani aro uamangni dingtanggipa chanchibewalanirangko party aro Nagaland a•dokni namgnina jakkalanggen,” ineba ua aganangkuaha.
Na·simang ia video-koba nina man·gen:
Na·simang iakoba poraina man·gen: Rang•gitik chi dal•baani a•sel Bhushi Dam-o sak 5 manderang sripe sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
