Shillong, Sept 19: A·doko sana-bananirangko on·aniko adita namdapatna gita miksonge, saako sanenggipa doctor-rang ba medical professional-rangni dangdike on·aniko bilakdapatna aro sana-bananio nangchapgipa dingtang dingtang dakgipa cholrango ma·sianirangko on·sregrikna gita a·dokni health department, Tamil Nadu sorkari baksa Sombar salo Memorandum of Understanding (MoU)-o soi ka·grikangaha.
A·dok damgnini gisepo ia songgigrikaniko dakna nanggipa kamrangko matchotatna gita, a·dokni health minister Pa James K Sangma aro Tamil Nadu-ni Health Minister Subtamaniam-maang salni bako gronggrikaniko dakangaha.
Iako social media-o seachi parakanganio, sana-bananiko on·ani a·bao chu·sokgipa ong·aniko aro namgipa ja·kurangko de·ate Tamil Nadu-ni nama dakmesokaniko on·ahani gimin, MoU-o soi ka·grikaniko dakanichi an·chingni a·dokna bang·en namgnirangko ra·bachongmotgen ine Pa James janapataha.
MDA sorkari, a·doko songdongenggipa pilaknan bil amsokgipa aro namgipa sana-bananirangko on·na gita on·kangaha ineba Pa James janapatjolaha.
As we slowly build the health infrastructure of our state, we as a Government are committed towards providing access, quality and affordable healthcare for all.@MoHFW_INDIA pic.twitter.com/z3jU5fdd1s
— James K Sangma (@JamesSangma1) September 19, 2022
