Shillong, Sep 30: Meghalaya a•dokni dal•roroani aro namroro silroroaniko champengenggipa dingtang dingtang neng•nikanirangko sorkari ma•siaha aro ia neng•nikanirangko namatna gita cholrangko man•aha ine Sombar salo, chang 16-gipa Finance Commission-ni tom•bimonganiko Shillong-o ong•atanio, a•dokni Chief Minister Conrad K Sangma parakataha.
Ia neng•nikanirangko da•o ong•enggipa sorkari, batanggimin sorkarirangonikosa man•rikaha ine talataniko on•angengon, dingtang dingtang department-rango, mongsongbate health aro education-o ia sorkari chu•sokgipa ong•jaengachim indiba ra•bianirangko jako ra•e cholrangko sandienba da•o dingtang dingtang neng•nikanirangko namatna man•engaha ine Sangma aganaha.
2018 bilsio Maternal Mortality Rate (MMR) ba an•o donggipa me•chikrangni siani a•songni average-nan batachim ine janapatengon, MOTHER program-ko ra•gatanichi ia sorkari, an•o donge kenchakna nangbatgipa me•chikrangko sandienba, iandakgipa me•chikrangko health centre-rango an•pakatna simsak nirokanirangko on•na a•bachengataha ine Chief Minister parakataha.
15th Finance Commission-ni ning•o a•doko namroro silroroaniko ra•bana gita gong crore 3000 tangkarangko Meghalaya a•dokna on•aha aro Externally Aided Project (EAP)-rangni gitaba Meghalaya a•dok, gong crore 9000-mangni gita tangka paisarangko man•aha ineba Chief Minister parakataha.
A•dokni memorandum-ko 16th Finance Commission-ni Chairman Dr Arvind Panagariya-na pakwate on•angskaengon, ia tom•aniko ong•atanichi a•dokni namroro silroroanina sorkari, dingtang dingtang kamrangko ka•angkuna man•gen ine Chief Minister aganaha.
Ia salni bako 16th Finance Commission, dingtang dingtang karkanarang, songni nokni dolrang, jillao donggipa dolrang aro political dolrang baksaba dingtang dingtang dake tom•anirangko ong•atangaha.
Na·simang ia video-koba nina man·gen:
Na·simang iakoba poraina man·gen: Tripura Police gong lakh 75-ni ganjarangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
