Shillong, April 9: Tura songjinmao Garo Labour Corpsko gisik ra·na songe dongimin ba Cenotaphko rikpiltaina sienga indiba nangchongmotgipa manderang baksa agangrike katta minani ja·manosa ong·gen ine skotong minister Conrad K Sangma aganaha.
Iako taripiltaianiko dakengon nangchongmotgipa manderang baksa agan-golpogrika gri dakahani gimin adita nanggrikanirang aro gisik saatanirang ong·angaha indiba da·ode iako a·bachengna PHE minister Marcuish N Marakni dilanichi ge·sa committeeko songaha aro ia committee nanggipa manderang baksa agan-golpogrike kamko a·bachengatgnok ineba Pa Sangma aganaha.
Garo Labour Corpsni songgimin Cenotaph mangmangkosan ong·aigija, an·chingni pagitcham rangni janggi tangko on·kange kam ka·giparangni bidingo France-oniko sandinaba, see toke dona aro indongarangkoba sorkari ka·na miksongenga ineba skotong minister aganaha.Iako tariani, nitodapatani aro a·bachengao je gita donga ua gita bai bai tariani iandakgiparangko committeean nikrike kam ka·gnok. Iako namdapate tarianira on·kange ka·gipa matgrikrangni ba·rimarangna, songsalna aro jatna namgninasa ong·a, unigimin ia gital songgimin committeerang iako nambatatna rake kamko ka·gnok ine ua agandapkuaha.
Na·simang ia video-koba nina man·gen:
Na·simang iakoba poraina man·gen: Chinao songduko dim·penge dam tarienggipa Salgro-Salaramna kenchakani gnang: Arunachal M.P.
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
