Imphal, Mar 4: Robibar saloni a•bachengate “National Immunization Day, Intensified Pulse Polio Immunization Programme 2024”-ko Imphal-ni Family Welfare Training Centre-o ong•atanio, Manipur-ni Kamjong a•jani ning•o donggipa relief camp-o dongenggipa Myanmarese bi•sarangnaba Polio Immunization-ko on•angaha aro sak 3.5 lakh mangni gita 0-5 bilsini bi•sarangna Polio Immunization-ko on•a sorkari mangsongenga inenba, Health and Family Welfare-ni Minister Dr. Sapam Ranjan Singh aganaha.
Indake, batanggimin bilsionin Kamjong a•jani ning•o donggipa dingtang dingtang biaprango, sak 5700 Myanmarese ba Myanmar a•songoni re•bae niamgri songdong a•chaenggipa manderang gnang aro health programme-rangko man•chape, ia manderangni nangchongmotgipa nangnikanirangko sorkarini gita on•enga inenba saksa official aganaha.
Kamjong a•jani Chief Medical Officer (CMO), Dr. Lucy Duidang, relief camp-ni ning•o dongenggipa sak 590 Myanmarese bi•sarang, ia polio vaccine-ko ra•na man•giparang ong•a aro uarangoni sak 415 bi•sarangko, Robibar salni bako tikkakoba su•aha ine aganaha.
Una agreba, je Myanmarese bi•sarangan polio vaccine-ko man•kujaenga uamangna salgipino on•angskagen. Indake, Immunization Programme-ni skanggipa salo, Kamjong a•jani ning•tugipa dam 9 songrangko matchotatna gitaba man•aha ineba ua agandapataha.
Indake ia tom•anio Dr. Ranjan-ba, World Health Organization (WHO)-ni gita, India a•songko Polio grigipa a•song ine 2014 bilsini March jani 27 tariko parakatahaoba, polio sabisiko chelchaksona gita mikrake dongna inenba Polio Immunization-ko sorkari on•samsoaniko dakenga ine aganaha.
Indake, ia immunization-ni gimin nokantiona sokatna aro mikkangchi re•baenggipa chasongrangna ua•iataniko on•a nangchongmota aro ia u•iataniko giproroatanio media-an mongsonggipa bak ong•a ineba ua agandapataha.
Na·simang iakoba poraie nina man·gen: Majuli-o skang chasong-ni bewal-o tarigipa mask ba mikkango gandapani aro jakchi salgipa noksarang-o IG tag-ko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
