Shillong, July 9: Sonibar salo, Meghalaya a·dokni Chief Minister Conrad K Sangma, National Law University (NLU)-ko Shillong songjinmani Mayurbhanj Complex-o kulie on·angaha aro ia University-ko kulie on·anganio Meghalaya High Court-ni Chief Justice Sanjib Banerjee, Education Minister Rakkam A Sangma aro NLU-ni Vice Chancellor Prof Indrajit Dube-ba dongpaaha.
Ia National Law University-ko kulie on·angani somoio a·dokni Chief Minister, jinmana aganprakangengon, Tribal-rangni daka rikani aro niamrangko tarie see rakkina nangani gimin janapangenba, ia National Law University-ara salgro salaram jol gimiko ja·rikenggipa daka rikani aro niamrangni gimin research ka·gipa centre gita ong·anggen ine an·tangni niksamsoenganiko parakataha.
Meghalaya a·dokko bilsi 50-na chalaianio namgipa institute-rang dongjani a·sel ainni kamrangko ka·anio bang·en neng·nikanirangko chagrongna nangaha ine ku·rachake aganangengon, a·doko NLU-ko kulianichi ainni gimin namgipa skie on·anirangko aro gipin kamrangko namdapatna man·gnok ine Chief Minister parakataha.
Law University-ko gital Education Policy baksa nangchapatna sorkarini miksongenggipani gimin janapatengon, iako dakanio somoi aro bang·en korosrangko nangkugen indiba sorkarini a·bachengatenggipa pilak kamrangkon National Education Policy-ni bakrang baksa nangrimatna sorkari on·kange kam ka·enga ine Sangma parakataha.
Ia university-o Law baksa on·enggipa Business Administration, Policy Research aro Data Science course-rangni bidingo janapatskaengon, ia course-rangan chatro chatrirangko ia gital chasongo chagrongna nangenggipa ra·bianirangko mikkangpana dakchakgen ine Chief Minister parakataha.
Ia tom·anio Meghalaya High Court-ni Chief Justice Sanjib Banerjee-ba jinmana aganprakangengon, ia Law university-ara jatni daka rikani aro gital chasongni u·i-ma·sianirang baksa kuligipa university ong·e ian ainni giminsan ong·aigija jatni daka rikanirangkoba am·sandie ra·na gita chatro chatrirangna dakchakani ong·gen ine parakangaha.
Apsan daken, ia NLU-ni kulie on·anganio a·dokni Education Minister Rakkam A Sangma-ba jinmana aganprakengon, ia university-ara a·dokni chatro chatrirangna an·tangtangni u·i-ma·sianirangko bariatna gita nangchongmotgipa bida budiko on·anichi a·dokni namroro silroroanina on·gilani ong·gen ine parakangaha.
Iakoba poraie nina man·gen: A·doko bija jilaniko tang·doatna, kg 1000 bringija bija bitchirangko NEHU, Tura campus-ona ra·baa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
