Tura, Aug 31: Sonibar salo, National Sports Day-ni salko maniani bak gita, West Garo Hills-ni District Sports Officer, Matchakolgre L. P. School field-o 10k Run-ko ong•atangaha, jeon sak 500-na batpile bi•saoni dal•aona katsusagiparangni bak ra•aniko nikna gita man•aha. Ia katsusaanio bilsini kri ge•gni category-o ong•atangaha, chong•motan bilsi 15-na batgipa me•a aro me•chikrangna category ge•sa aro bilsi 15-na komigipa me•a bi•sa aro me•chik bi•sarangna category ge•sa dake ong•atangaha.
Ia katsusaaniko sonibar pringni 6 bajioni Tura-ni Matchakolgre L. P. School field-oni a•bachengataha aro indake uamang MBOSE office gita re•angenba Bolchugre petrol pump-oni katbapile Matchakolgre field-ona re•bapilna gita nangachim.
Me•asarangna ong•atgipa under 15 category-o John Omega Ch Sangma skanggipa biapko,
Rhayastone Ch Marak 2-gipa biapko aro Elyan Ernest S Sangma 3-gipa biapko man•angaha. Iano consolation prize-rangko man•giparangara, Akrano S Sangma, Challang D Arengh, Chusrang Ch Sangma aro Nirkan S Sangma ong•a.
Under-15 girls category-o Akangesa D Sangma skanggipa ong•e, Sneha D Sangma 2-gipa aro Chukambe G Momin 3-gipa biapko man•skaaha. Indake ong•engon, Menakshi D Sangma, Ebara D Sangma, Losame A Sangma aro Amachisa B Marak iamang consolation prize-rangko man•angskaaha.
Bilsi 15-na batgipa me•asarangni category-o, Nirest R Marak skanggipa biapko, Macmillan D Marak 2-gipa biapko aro Bethnar A Sangma 3-gipa biapko man•aha. Indake, Bhismadev Hajong, Sengwat A Sangma, Tuebirth Ch Sangma aro Bowash K Sangma consolation prize-rangko man•angskaaha.
Iani gisepon, bilsi 15-na batgipa me•chikrangni category-o, skanggipa biapko Dimchi Ch Marak, 2-gipao biapkoTengsilchi B Marak aro 3-gipa biapko Renytha M Sangma man•angaha. Indake iano, Gunchisa D Shira, Fatima Ch Marak, Salse G Momin aro Maima Dolly M Sangma consolation-rangko man•angskaaha.
Ia katsusaanio bilsi batgipana boksis on•gipako bilsi 49 ong•gipa Malasing M Marak man•angenba, bilsi chonbatgipa bak ra•gipani boksisko bilsi 6 ong•gipa Adielo R Marak man•angskaaha.
Garobadha PWD-ni AEE, Freddy Sangma, ia tom•aniona re•baenba 1-gipa, 2-gipa aro 3-gipa biaprangko man•giparangna tangka gong 5000, 3000 aro 2000-ko medalrang baksa suale on•angan baksana consolation man•giparangna 1000 prak suale on•angaha.
Na·simang ia video-koba nina man·gen:
Na·simang iakoba poraina man·gen: Cachar-o me•asa saksa jikgipani jaksamgniko stonga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
