Shillong, Dec 10: Mongolbar salo, South West Khasi Hills a•jani Mawkyrwat-o donggipa Nativity Higher Secondary School-ni Golden Jubilee ba bilsi 50 manianiko matchotatani salo, Meghalaya a•dokni Chief Minister Conrad K Sangma-ba bak ra•eaha.
Ia tom•bimonganio a•dokni Chief Minister, jinmana aganprakangengon, ia skulko 1974 bilsini March 15 tariko kulidilgipa Nativity of our Lord Parish-ni Parish Pamong Fr Aron baksana Brixuis Marwein-ko mittelpilangenba, ia skulko kulichengmiting somoirango ia skulko dal•roroatna gita bakrimanirangko on•ahani gimin Nonglang, Mawlangwi aro Mawranglang songni manderangkoba mittelpilangaha.
Ia skulko kulianiosan ong•aigija, ia skulni gita a•gilsakni seng•anirangko on•anichi bang•a manderangni janggi tanganio dingtanganiko ra•baahani gimin ia skulni gitcham aro gital dilgiparang, skigiparang aro gipin kamrangko ka•gipa manderangkoba Chief Minister mittelpilangaha.
Lekka porani kamrangna gisik on•bate sorkari, ia department-na tangka paisarangko bang•bate chamahaoba dingtang dingtang ra•bianirangko chagrongna nangkuenga ine janapatengon, iandakgipa ra•biani aro neng•nikanirangko sorkari namatna man•enga ine Chief Minister aganaha.
Sohra, Williamnagar aro Baghmara government college-rangna sorkari Science aro Commerce stream-rangko on•aha ine janapatskaengon, iandakgipa cholrangko manderangni college-rangnaba on•anggen ine Sangma parakataha.
Ia skulni bilsi 50 gapanina ua Chief Minister’s Special Development Fund-oniko gong lak 25 tangkarangko on•gilatenga ineba ia tom•anio Chief Minister parakataha.
Mawkyrwat aro Weiloi baksa nangchapgipa biaprangona dakanggipa ramarangko World Bank MITP-ni gong crore 120 tangkarangchi namdapatgen ineba Chief Minister parakataha.
Nongnah-o donggipa resort-ko taridapna gita gong crore 25 tangkarangko sorkari chamatenga ineba ia tom•anio Chief Minister parakataha.
Ia skulni bilsi 50 gapaniko manianio, skulni skanggipa headmaster Brixuis Marwein-naba Chief Minister, mande ra•pilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Mawkyrwat college-ni gital Block-ko CM nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
