Williamnagar, July 24: Re•anggipa 2022 bilsini Teachers Day ba Skigiparangni Salko manianio a•songni President Droupadi Murmu-ni jakchi National Award-ko man•gipa Williamnagar Educere Higher Secondary School-ni Principal Gamchi Timre R Marak-na Sombar salo Williamnagar-ni GSU, FKJGP, AIGU, AAYF aro Williamnagar Govt College Students Union (WGCSU) dolrang nangrime, mande ra•pilskaaniko dakangaha.
Ia program-ko ong•atanio Williamnagar-ni MDC Alphonsus R Marak, mongsonggipa sokgipa ong•e bakko ra•angaha aro tom•aniko John Miltu A Sangma dilangskaaha.
Ia program-ko ong•atanio Educere HS School-ni Principal Gamchi Timre R Marak, tom•anio bak ra•giparangna aganprakengon, an•tangna iandake mande ra•pilskaaniko dakahani gimin NGO-rangko mittelpilangenba, uni miksonganiko chu•sokatna tikkelanio ua maidakgipa neng•nikanirangko chagrongna nangahachim, uarangni gimin agan-talate on•angaha.
An•tangni chu•sokgipa ong•aniko ua Williamnagar-ni manderangna, an•tangni chatro chatrirangna aro ma•a paarangna on•kangangengon, chatro chatrirangni aro songsalni namgnina pangnan an•tangtangko on•kange kam ka•china gita Marak, skigiparangko didiangaha.
Ia tom•anio Williamnagar-ni MDC Alphonsus R Marak-ba jinmana aganprakangengon, National Award-ko man•baanichi joltangna aro A•chik jat gimiknan mikkim rasongko ra•baaha ine Educere HS School-ni Principal-ko mittelpilangaha.
Ia program-ko ong•atanio East Garo Hills a•jani Additional Deputy Commissioner Ripamchi Sangma aro gipinrangba dongpae bak ra•angtokaha.
Iakoba poraie nina man·gen: Mi-misi aro ma·manti nanggipa bosturangko gate Guwahati-oni re·chakatanggipa bostu salgipa rel gari, Manipur-ni Khongsang station-ona sokea
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
