Imphal, July 24: Jatgnini gisepo kajia-golmal ong·anichi cha·ani-ringani aro ma·manti bosturangko breanio neng·nikanirangko man·ani gisepon, Guwahati songjinmaoni re·chakatanggipa mal-bostu salgipa rel gari skanggipa changna Manipur-ni Tamenglong a·jao donggipa Khongsang railway station-ona Sombar salo sokeaha.
Mal-bostu salgipa rel gariko watchakatani bidingo Northeast Frontier Railway (NFR)-oni koborna agananganio, re·anggipa May 29 oni June 1 tarikona ma·mongni Home Minister Pa Amit Shah-ni Manipur a·dokona salbrina wenangani somoio parakatani ja·man, a·dokni transport department aro railway authority nangrime, mi-misirang aro ma·manti nanggipa bosturang baksa mija Robibar salo mal-bostu salgipa rel gariko Manipur a·dokona watchakate niaha ine parakataha.
Mal-bostu gnang Guwahati-oni watatgipa rel garini Khongsang railway station-ona sokeani somoio Manipur-ni skotong minister Pa N. Biren Singh, gipin ministerrang aro official-rang gimikan dongpatokaha.
Mal-bostu salgipa rel garini sokbaako nichaksoani ja·man, Pa Singh, bostu salgipa rel garini skanggipa changna a·dokona sokbaaniko nike an·tangni kusi ong·aniko seachi parakatengon, bostu salgipa rel gariko a·bachengate on·anichi ma·manti nanggipa bosturangko gong·rakbate sokatna man·na ka·dongsona gita man·engani gimin ian Manipur-o songdonggipa manderangna bang·en namgni on·gnok aro bosturangko gong·rakbate sokatna altuagipa rel gari donganichi kharkanarang, pilak bading-chiwalanirang aro manderangni janggi tanganiko namdapatna gita dakchakgen ine parakataha.
NFR-ni Chief Public Relations Officer, Pa Sabyasachi De, bostu salgipa rel gariko watchakatani gimin aganangengon, Manipur-ni Tamenglong a·jao donggipa Khongsang Railway station-ko minggipin cha·ani bosturang aro ma·manti nanggipa bosturangko gatna aro gallona gita a·bachengate on·aha ine parakataha.
2022 bilsio a·bachengatgipa gong kror 14,322 mang ong·gipa Jiribam-Imphal new line project-ni ning·o gitalgipa railway station-ko Khongsang-o da·o man·chengaha aro ia km 111- mang bakrogipa railway project-ko NFR jako ra·e tariatenga jekon re·baenggipa December jao matchotatna gita nisanko donsoaha.
Iakoba poraie nina man·gen: ‘Ua somoio doctor-rang gnangchim ine Ma Ampareen, NEIGRIHMS hospital-o chadambe saksani siani ja·man nanggrikani gimin talatanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
