Guwahati, Nov 23: Re•anggipa November jani 13 tariko ong•atanggipa Assam bye-election-o, BJP-chi dilenggipa National Democratic Alliance (NDA) dol, Assam-ni dam 5 seat-rangko chegopaha. Ia seat gimikko chegopanichi, Congress aro uni dolrang seat ge•sakoba man•rikjaha. BJP dol, dam 3 biaprango man•rikengon, uamang baksa apsan bakrimgipa dol Asom Gana Parishad (AGP) aro United Prople’s Party Liberal (UPPL) dol ge•prak seat-rangko man•rikaha.

2001 bilsioni Congress dolni Rakibul Hussain-ni amgopsimgipa biap Samaguri-o BJP dolni candidate Diplu Ranjan Sarma, ge 24,423 margin-chi batenba, Congress-ni Tanzil Hussain-ko amataha.

BJP-ni candidate, Diplu Ranjan Sarma, ge 81,160 vote-rangko man•aha jeon Congress-ni candidate Tanzil Hussain ge 56,737 vote-rangkosan man•rikaiaha.

Indake ong•engon, Behali-o BJP-ni candidate Diganta Ghatowar, ge 50,947 vote-rangko man•enba, ge 41,896 vote-rangko man•gipa Congress-ni candidate Jayanta Borah-ko ge 9,051 margin-rangchi amatskaaha. Iano United Opposition-ni candidate Lakhikanta Kurmi, ge 5,093 vote-rangkosan man•rikaiaha.

Dholai-o BJP candidate, Nihar Ranjan Das, ge 69,945 vote-rangko man•e, Congress-ni candidate Dhrubajyoti Purakayastha-ko ge 9,098 margin-rangchi amchepataha.

Bongaigaon-o BJP baksa bakrimgipa AGP-ni candidate Diptimayee Choudhury, ge 74,734 vote-rangko man•e, Congress dolni candidate Brajenjit Singha-ko ge 35,164 margin-rangchi amataha.

Sidli-oba BJP baksa bakrimgipa UPPL-ni candidate Nirmal Kumar Brahma, ge 95,243 vote-rangko man•enba, BPF-ni candidate Sudho Kumar-ko ge 37,016 margin-rangchi am•atskaaha. Ia seat-na susaanio, Congress dolni candidate Sanjiv Warie, ge 7,634 vote-rangkosan man•rikaiaha.

Na·simang ia video-koba nina man·gen: 

Na·simang iakoba poraina man·gen: NPP-ni candidate Mehtab Chandee A Sangma Gambegre By-election-o chea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub