Shillong, Nov 23: Dr. Mehtab Chandee A Sangma, Gambegre-o ong•atanggipa election-o ge 4,500 vote-rangchi batenba gital MLA-na seokako man•aha. Gambegre-ni manderang dingtanganiko aro namroro silroroaniko nangnikani giminsa da•alo ua chena gita man•aha ine aganan baksana a•doko namroro silroroani aro dingtanganiko ra•bana gita uamangni NPP dol kamrangko ka•enga ineba ua agandapangkuaha.
NPP dol, chasongnaba ia Gambegre seat-o man•a dongkujachim aro da•alo Gambegre-ni manderang dingtanganiko ra•bana nangnikenba uamangni gamchatbegipa vote-ko uamangni dolna on•aha ineba ua parakataha.
NPP sorkarini ning•o bang•a namroro silroroaniko kamrangko Garo Hills aro Meghalaya a•dok gimikni manderangan nikenga. Mikkangchiba uamang namroro silroroani kamrangko bang•e ka•angkuan baksana man•a dipet manderangna dangdike on•angkugen ineba u•iatangaha.
Re•anggipa November jani 13 tariko ong•atanggipa election-o, Dr. Chandee A Sangma chu•gimik ge 30,086 vote-rangoniko ge 12,678 vote-rangko man•aha ine Sonibar salo parakataha. Ia constituency-o ian bang•bate vote-rangko man•chenggipaba ong•enga. Chang 3-na joljol Gembegre-o MLA ong•anggipa Saleng A Sangma-an, 2013 bilsio ge 7260 vote-rang, 2018 bilsio ge 7291 vite-rang aro 2023 bilsio ge 11252 vote-rangkosan man•aiachim.
Iani gisepon, NPP-ni National President aro Skotong Minister, Conrad K Sangma, uni jikgipani Gambegre Bye-election-o cheatna dakchakahanina kusi ong•aniko parakatan baksana Gambegre-ni manderangko demittele aganangaha. Gambegre-ni manderang gisiko nangbee dingtanganina vote ka•ahani gimin uamang party-ni gita kusi ong•a, indake ong•engon bang•a neng•nikanirang donggenchimoba uamang pilak ku•rachakanirangko bil ama dipet chu•sokatna gita jotton ka•gen ineba ua agandapangkuaha.
Uasan ong•aigija, ua pilak party-ni dilgiparang, kam ka•giparang, MLA-rang aro MDC-rangkoba, ia Bye-Election-o uamangni candidate Dr. Mehtab Chandee A Sangma-ko cheatna gita rake kamrangko ka•ahanina demittele aganangkuaha.
Dr. Mehtab Chandee, AITC ba TMC-ni candidate, Sadhiarani M Sangma-ko ge 5494 vote-rangchi amataha. AITC-ni candidate-ni man•gipa chu•gimik vote-ara ge 8084 ong•achim.
Ia Bye-Election-o Congress dolni candidate Jingjang M Marak, ge 7695 vote-rangko, BJP-ni Candidate Bernard N Marak ge 170 vote-rangko man•an baksana indipendent ba jakgitel ong•e chakatenggipa candidate-rangoni Jerry A Sangma, ge 706 vote-rangko, Sengkrabirth M Marak ge 147 vote-rangko aro NOTA-o ge 95 vote-rangko man•aha.
Na·simang ia video-koba nina man·gen:
Na·simang iakoba poraina man·gen: Cooch Behar Trophy-ni Group A dolrangni susaanio Delhi chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
